İnformatika terminnarında tatar öleşe

Törkiyä belän Tatarstan arasında iqtisad, mädäniyät, sänğät ölkäsendäge xezmättäşlek belän ber rättän belem häm şul isäptän informatika tarmağında da urtaq êşçänlek alıp barıla. Törki illärneñ fän êşlekleläre belän bergä tatar belgeçläre dä Törek tele cämğiyäteneñ “törki dönyada urtaq informatika terminnarı” proyektına üz öleşen kertä. Tatarstannan bu êşne tanılğan ğalim, akademik, professor Cäwdät Söläymanov äydäp bara.

Cäwdät äfände 2009nçı yılda Änkarada ütkärelgän “Törki cömhüriyätlärdä urtaq informatika terminnarı” isemle fänni cıyında qatnaşqan ide.

Cäwdät äfändeneñ şuşı simpoziumda yasağan çığışın täqdim itäbez.

Fotosürättä Cäwdät Söläymanov törek häm qırğız xezmättäşläre belän.