Nogayşa 171: Üş kepte barılgan yer: qabır (1)

Bu yuma “ÜŞ KEPTE BARILGAN YER: QABIR” baresinde söz bardıramız!

Nogayşa 171: Üş kepte barılgan yer: qabır (1)

Nogayşa 171: Üş kepte barılgan yer: qabır (1)

►Nogayşa 171: Üş kepte barılgan yer: qabır (1)

Bîr alimdiñ bîr vaqıt   

Bazı yaslarga bergeni 

Derslerinden bîr kesek,

Nav aqıyqatlar bolgan:

 

“Bîr kesek yas adem,    

Aligi aldatuvşı,   

Em özine baylavşı

Künaler em havaslardıñ    

Hücumları qarşısında,  

Ahiret’imizdi biz qalay       

Qutaramız?” dep menden

Kömek tilegen edi. 

 

Men de sosı yaslarga 

Nav sözlerdi aytqan edim:

 

Qabır bar äş bîr adem,   

Sonı inkär etalmas! 

 

Är kim bolsa so qabırdan,

Tilese em tilemese,

Äş şara yoq qaşalmas!     

 

Sosı yerge üş kepte, 

Üş yoldan basqa em  

Kirilgen kep bolmas!

 

Birinşi yol, sosı qabır,    

Müminler üşün bolsa,    

Nav dünyadan taga yahşı      

Bîr alem esigi bolgan...

 

İnangan ademlerdi,    

Yahşılıqpan qarşılıyaq

Bîr yarasıq yer bolgan..

 

Ekinşi bîr yol tagı,  

Ahiretke inangan,  

Tek künalerdi taslamay

Tuvra yoldan burulup  

Ketkenlerge so qabır,  

Bîr abedi “tutqaq”;

Doslarından ayrılıyagı,    

Bîr basına qalıyagı   

“Zından esigi” bolgan.

 

Süytüp körüp em solay  

İtikat etken sebep,  

Em inanganı kepte

Hareket etpegenge,      

Nav qarşılıqtı köriyek!

 

Üşünşiyol bolsa:  

Ahiretke inanmagan,   

Em Allah’tı inkär etken,

Yoldan şıqqan insanlarga,   

“Abedi idam esigi”,   

Yani basta özini,

Em barı süygenini   

Yok etiyek “asqaq” bolgan...

Süytüp sengen üşün ol,     

Solay yeza köriyek...

 

Aytılgan soñ eki yol,     

Aşıq bolıp bilinedi...  

Bîr delil tilemey

Közbinen em körinedi:

Barı inkär kelgenler, 

Em üyken künagerler,  

Köteresi so qabırdı,

Bîr dahşetli yer biledi...

 

Madem ajal yasırgan...  

Är vaqıt sosı ölüm,   

Barı bastı kespege

Kelüv ihtimalı bolgan...

Tagı yas yade qart      

Äş ayrımı bolmagan...

 

Elbet dayim köz aldında,    

Sosınday köp biyik,

Üyken dahşetli masele    

Qarşısında şarasız 

Bolup qalgan nav insan, 

So abedi idamdan; 

Tübü yoq em soñsız,  

Bîr basına em yalgız       

Qalıyagı orından  

Qutulgandıñ şarasını   

İzleyberip özine 

Nav qabırñ qapısını,  

Bîr dayimi alemge,  

Em abadi tatimlik,  

Tagı savle yurtına   

Aşılgan bîr esikke   

Avdarganı ol ademdiñ    

Nav dünya baasınşa 

Üyken maselesi bolgan!

 

Nav üşünminen bolıyaq  

Biyik, üyken aqıyqat,  

Tek yalgız üş yolman,

Üş kepte bolıyagını,   

Yüzyırma tört ming paygambar,

Qollarında tuvralıq  

Delili mucizelermen   

Barı qabar bergenler...

 

Ziyadası nav qabardı,  

Manevi alemlerdi   

Qalplerdeki közbinen

Köreberip, so allerdiñ   

Zavqına baraberip,  

Tagı yürekten tatip,

Oñ, tuvra yaşavman     

Tuvralap imza basqan

Yüzyırma tört milyonşa      

Evliyalar tagı em

So aqıyqattı bildirgen...

 

Bîr yaqtan had hesapqa   

Kelmegen sanıman  

Tergevşi neşealim,

Aqıllarga körsetip,  

Şüphelerdi köterip,     

İlimlerimen ıspatlap,

Yüzde toqsan toguz em    

Üşünlük ihtimalıman 

Asqaqtan em abedi

Zindandan qutulgandın,  

Soñsız bîr tatimge  

Avdargandın tek yolı,

Yalgız iyman em tagat     

Yolımınan bolgan!” dep  

Barı qabar bergenler...  

 

Keliyek yumaga barsaq,     

Quday özi nasip qılsa, 

Qalgan kesegini tagı,         

Aytalsaq nimet bolgan!

     

Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär