• Video galereyası

Nogayşa 159: Eñ qazanşlı ticaret (3)

Bu yuma em “EÑ QAZANŞLI TİCARET” baresinde habarlasamız!

Nogayşa 159: Eñ qazanşlı ticaret (3)

Nogayşa 159: Eñ qazanşlı ticaret (3)

►Nogayşa 159: Eñ qazanşlı ticaret (3)

Allahmümin qullarından  

Nepis em mallarını,  

Yannet qarşılıgında

Özlerinden satıp algan!”   

Manelerine kelgen   

Bîr Qur’anayetiniñ

Aqıyqatı baresinde,  

Üyken bîr alimdiñ    

Aytqanlarından qalgan

Bîr kesek söz nav bolgan:

 

“Bîrinşi kär, fani mal,      

Beqa tabıp dayim bolgan...

Nege desek Qayyum Haq’qa,   

Yani yaratılgan är zattı,

Ayaqta tutqan Rab’qa,     

Em özi dayim bolgan

Calal iyyesi Haq’qa     

Berilgen bîr ömir,  

Yani onuñ yolında

Qarcangan nav hayat,      

Yoq bolup ketpey özi,

Baqıylikke avdarılıp       

Meyvası dayim  bolgan...

 

Em so vaqıt ömürdiñ  

Taqıyqaları sankim  

Toprak astına atılgan

Togım, şekirdekke usap   

Tıstan qaransa şürügen;

Tek beqa aleminde  

Hoşbaqtlıq şeşekleri    

Aşaberip sümbüllengen...

 

Tagı berzah aleminde, 

Yani ölgen soñ ötilgen, 

Qabirdeki alemde,

Yarıqlıq bolaberip;  

Em yanlarga yuvıq bolgan 

ñüllerdiñ süyüyegi

Bîrer seyran ornı bolgan...

 

Ekinci bîr qazanş em:  

Yannet’tey bîr qarşılıq  

Ol ademge berilgen..

 

Qazanştıñ üşünşisi:   

Är müşediñ, azalardıñ 

Qıymatları bîr demede

Minge şıgıp artıq bolgan...

 

Misal bolsa bîr müşemiz,  

Mine nav aqlımız bizim,

Eger Cenab-ı Haq’qa satpay   

Nepis hesabına isletsek

Ugursuz bîr alat bolup   

Bizdi neşe sıgıp özi,    

Rahatımızdı qaşırgan...

 

Qaytip boladı desek, 

Ötken zamandıñ mungın 

Barı qıyın allerini,

Em keliyek zamandıñ  

Qorqutuvşı qaygılarını,  

Beşare basımızga

Yükleyberip so esimiz,     

Bereketsiz, muzır bolıp

Özi tömenge tüsken...

 

Mine nav sebepten bolıyaq 

Künager bolgan kisi, 

So aqlının özini,

Bek köp sıqıştırganından    

Qurtulgay edim, dep

Köbinşe ya sarhoşluqqa,    

Ya eylencege qaşqan...

 

Eger aqıyqı iyyesine,  

Yani Rabb’imiz Haq’qa 

Satıp onuñ hesabına

Qullanılsa nav aqıl,    

Neşe bîr tılsımlı     

Aşgış bolaberip özi,

Nav käinatta saqlangan      

Soñsız rahmet em hikmet 

Qazna, depinelerini,       

İyyesi ademge aşqan...

Eslegeni allerminen  

İyyesini abadi,   

Hoşbaqtlıqqa azirlep

Rabbani bîr mürşid bolup  

Tuvra yollar kösterüvşi,

Martebelerge bargan... 

 

Em mesela basqa müşe,  

Közlerimizge qarasaq, 

Ruhumuz so terezemen  

Nav alemdi seyr etken...  

 

Ene sosı közimizdi, 

Eger Allah’qa satpay 

Yalgız nepiske şalıstırsaq,  

Sosı vaqıt közimiz,   

Ötüvşi gözellikler, 

Em bazı manzaradı,  

Seyr eteberip özi,  

Neşe yaman tileklerge;  

Em nepsimizde bolgan

Tömen havaslarımızga    

Qızmatşılıq etken   

Bîr rezil qavvad bolgan!

 

Eger közdi, är zattı   

Bîrdemede körivşi     

Yaratuvşıga satsaq,

Em onun hesabına 

Onuñ ızın tögereginde 

So müşemizdi qullansaq,

Ol zaman nav közimiz, 

Üyken kitap käinattıñ 

Oquvşısı bolıp özi,

Em barı alemdeki  

Rabbani sanatlardıñ,      

Em är bîrevi mucize

Yaratılganlardıñ barı,     

Yahşı seyircisi bolgan...

 

Tagı nav yeryüzi,  

Baqşasında aşqan    

Rahmet şeşekeyleriniñ

Mübarek bal şıbını  

Darecesine bargan...

 

Basqa qalgan manelerdi,  

Keliyek yuma nasip bolsa,

Aytaberiyek  inşallah!

 

Savlıqpan qalıñız

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär