Nogayça 95: Quday’ga aşılgan terezeler (3)
Bu yuma tagı “QUDAY’GA AŞILGAN TEREZELER” baresinde söz bardıramız!
Quday’ga aşılgan
Terezelerden bazısı em
Nav aqıyqatlar bolgan:
Yer yüzüni tolturgan
Är bîrevi orduday,
Tört yüz miñden ziyada
Taypalardıñ baresiniñ,
Yanvarlar em ösimliktiñ,
Arzakı em suvretleri,
Savatlarman kiyimleri,
Äş mutılmay berilgen...
Är tayfadın baresiniñ
Talimminen terhisi,
Sav baresi em sasırmay,
Aynı kepte ölşemmen
Barabarca tüzetilgen...
Ziyadası är bîreviniñ
Tedbir em tarbiyası,
Bîrdemede körülgen...
Ene sosı aqıyqatlar,
Alamat em azamatpan,
Quday’ga aşılgan
Üyken terezeler bolgan...
Körgenimiz nav aller,
Aynı kündey parlayberip
Äş şüphe bolmay em,
Quday’dıñ barlıgına,
Bîr yaqtan bîrligine,
Neşe deliller bolgan...
Är yaqlarga yetişken,
Soñı bolmas qudretli,
İlminiñ uşı bolmas,
Em de hikmet iyyesi
Yaratuvşı’dan basqa,
Kimdiñ haddi bar eken,
Soñ derece yarasıq
Bolgan nav idarege,
Qarısıp qarıstırgan?
Nege desek bîrbîriniñ
İşine kirip turgan
Türlü türlü maqluqlardı,
Şeşit şeşit milletlerdi,
İdare em tarbiyalap,
Baresiniñ isini
Köralmagan bîr qudret,
Onlardan tek bîreviniñ
İsine qarışalmagan...
Zaten bizim körgenimiz,
Barı maqluq ne bolsa,
Sosınlardıñ baresinde,
Qarışqandıng bîr ızı,
Ne bîr şatlaq ne bızıq,
Äş bîrevinde körülmegen...
Demek sav maqluqtıñ
Barı idaresine,
Tagı tarbiyasına,
Bîr Allah’tıñ tısında
Tısqardan bîr qol, barmaq
Tiyalmagan qarışalmagan...
Endi basqa bîr tereze;
Barı zatlar ne bolsa,
Bötende yanlı bolsa,
Baresi bîrdenbîrge,
Qısqa zaman işinde,
Äş yoqtan bar bolgan...
Em de sanatlı bolup
Yahşı bîr suvretpen
Naqışlı yaratılgan...
Bahar sosı manege,
Yahşı bîr misal bolgan...
Tek, bizim bilgenimiz,
Bîr zat tezoq bolgan bolsa,
Acelemen yasalsa;
Bîr yaqtan tagı em
Yasalgan maddeleri,
Qıymatsız bolup tursa,
Yasalgan sosı zatlar,
Barı keppen sanatında,
Yahşı sağlam bolmagan,
Eksik em noqsan qalgan...
İnsan isi ene süytüp
Yartı, noqsan bolgan alde,
Qudayyaratqanı zaman
Bîr demede, bîrdenbîrge
Baresini yaratqansoy,
Em sanatlı yasagan...
Bîr yaqtan em qarasaq,
Maqluqlardı yasamaga,
Bîr köp alatpan barabar
Neşe madde kerek bolgan...
Ene sosı qıyınlıqlar,
Yahşılıqqa mani,
Bîrer sebep bolsa tagı,
Barı maqluq ne bolsa
Alamat bîr sanatpan
Süslüce yaratılgan...
Barı sosı maqluqlardıñ,
Em tezoq yaratılıp,
Em de yahşı bolganı...
Soñsız küşte Allah’tıñ
Barlıgına şehadet,
Birligine işaret
Etken üyken delil bolgan...
Barediñ barı ali,
Gayet parlaq bîr kepte,
Nihayetsiz bîr qadir,
Nihayetsiz em hakim,
Bar bolganı zaruri
Bîr Allah’tı körsetken...
Är bîrevi mucize
Bolgan barı maqluqlar,
Sarsem, aciz em cahil
Tabiyatqa berilse,
Aqıl tögereginden
Hıylı erek qalıngan.
Savlıqpan qalıñız!
Dr. Yusuf ALTINIŞIK
E-mail: altinisikyusuf@gmail.com