Nogayça 91: Almas sise bolar ma? (1)

So dünyadı bîr adem,     

Asker qonagı bilse,

Qonaq bolganını em       

Ta yürekten qabıl qılsa,

Nav dünya hayatında,     

Eñ baqtiyar so bolgan...

Ol martebege şıqsa insan,  

Sınıyaq sise baasına,

Almaslardı bermey sosı;     

Yaşavından tam dam alıp

Tuvralıqpan, şıntılıqpan      

Ömrin ötkergen insan...

Nav dünyadıñ isleri, 

Eni soñı sınıyaq   

Bîr sisege oqşagan...

Baqıy ahiret isleri, 

Berkitilgen almastay   

Qıymat, baası bolgan...

Bizge Quday bergeni      

Şiddetli hırs em inad,

Tagı süyümmen maraq, 

Basqa neşe duygular,  

Är bîrevi aslında,

Almas qıymatında bolup

Ahiretti qazansaq dep  

İnsanlarga berilgen.

So duygulardıñ betini,

Bar quvvatpan dünyadıñ 

Bazı fani islerine

Yönetse insanlar,

Sosı almastay qıymatlı

Barı yahşı duygusını,

Sisedey eş qıymatsız    

Ucuz zatpan avısqan...

Sosı yerde bîr noqta, 

Yahşı mane aytılgan:

Aşq degen bîr duygu,  

Süyümdiñ ziyadası,

Taga şiddetlisi bolgan.

Ötip ketken süygülige, 

Yöneyse sonıñ beti,

Sosı aşq iyyesini,

Är dayim azappınan 

Muñunlıqta  taslagan...

Ya de mecazi bolgan, 

Yani üşün bolmagan 

Sosı fani süygüli,

Ol derece süyümge, 

Tiyisli bolmaganga,

So şiddette süyümge

Tiymey tömen bolganga,    

Aşqtay qıymatlı duygudıñ

Qarşılıgı, baası    

Bolmay ucuz tüskenge,   

Aşıq bolgan ademge,

Aqıkiy bîr süygülidi,

Yani Haq’tı izletken...

İzlegenin tapsa adem,         

Yani Haq’qa yetse adem,

Soñda mecazi süyümdi,    

Fani gözellerdi taslap

Haq’tı süymege baslagan. 

Süygüsi de ademdiñ 

Allah betke avısqan...

İnsanda ene sonday            

Miñlerşe duygu bolgan.

Är bîreviniñ aynı aşqtay      

Eki martebesi bolgan...

Bîr martebe mecazi,            

Bîrev haqıyki bolgan...

Misal bolsa keliyek üşün        

Är insanda maraq bolgan...

“Keliyek qaydey bolıyaq?”     

Dep adem oylagan...

Sosı oyı artıq kelse,    

Arüv tüsünse insan,   

Maraq etkeni keliyekke,

Yetip baruvga soga     

Qolda sanet tabılmagan...

Bîr kün ya bîr saat   

Soñında nav insan,    

Basına ne keliyek,

Äş bîr zaman bilmegen...

Bîr yaqtan em rızqına  

Maraqlansa so insan,  

Är bîr quldıñ rızqını,   

Tagı barı yanvardıñ    

Rızqını berüvge, 

Allah özi söz bergen...

Qısqaşa nav keliyek,  

Munday sebepler üşün  

Oylamaga tiymegenge,

Qul da betini burup

Qabirden soñda kelgen, 

Em de haqiki bolgan;  

Tek, gapletke tüskenlerge,   

Garantisi bolmagan

Bir keliyekke yöneygen...

Yani ahiretke qarap    

Asıl bolgan keliyekti   

Abadi yaşavını

Qurtaralgan so insan...

Endi sözdiñ soñında; 

“So barede qalgandı,

Keliyek yuma inşallah,

Kuday ayttırsın bizge!” 

Degen duvamız bolgan...

Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com