Artistka Gülriz Sururi wafat buldı
Artistka Gülriz Sururi 90 yäşendä däwalangan xastaxanädä canın täslim qıldı
Sänğätçeneñ mäyete wasiyäte uñayınnan cıyın ütkärelmiçä 2017nçe yılda wafat bulğan ire Ängin Cäzzarnıñ yanında İstanbulda cirlände.
Gülriz Sururi operettağa nigez saluçılardan Lütfullah Sururi Bäy belän opera sänğätçese Suzan Xanımnıñ qızı bularaq 1929nçı yılnıñ 24nçe iyül’ könne İstanbulda dönyağa kilde.
Berençe märtäbä 1942nçe yılda İstanbul şähär teatrınıñ balalar bülegendä säxnägä çıqqan sänğätçe İstanbul şähär xakimiyäte konservatoriyasınıñ teatr häm cır bülegendä belem aldı.
Sururi 1955nçe yılda Muammär Karaca truppasında professional’ sänğät’ tormışına başladı.
Gülriz Sururi “Tänäkä “spektaklendäge role belän 1966nçı yılda häm "Hind tuqıması” isemle spektakl’däge role belän dä 1971nçe yılda "İñ yaxşı artistka büläge”nä layıq buldı.
Sänğätçeneñ 2017nçe yılda wafat bulğan ire Ängin Cäzzar öçen dä soñğı yulğa ozatu cıyını oyıştırılmağan, Cäzzarnıñ wafat buluı cirlängännän soñ xäbär itelgän ide.
Bäyläneşle xäbärlär
İstanbuldağı aêroportlar rekord quydı
3 ayda ”İstanbul” häm “Sabiha Gökçän” hawa mäydannarınnan 27 millionnan artıq yulıçı säyäxät itte
