"Çit planeta barlıqları" arabızda?

Amerika ğalime Cirdä çit aqıllı tormış formalarınıñ yäşäwen alğa sörä

"Çit planeta barlıqları" arabızda?

AQŞnıñ milli aviaśiya häm ğaläm xezmäte NASAnıñ intellektual’ sistemalar bülegendä êşläwçe ğalim Silvano P. Kolombano ğalämdäge aqıllı tormış formalarınıñ Cirgä kilgän buluın farazlıy. Ul xätta alarnıñ xäzerge waqıtta da arabızda yäşäwläre teoriyäsen belderde.

Kolombano Cir tışındağı tormış turında zamança fikerneñ bik tar buluın alğa sörä. Ul östen üzençäleklärgä iyä çit tormış formasınıñ Cirgä kilüen kürmiçä qaluıbız häm anıñ “tradiśion uglerod nigezle yäşäw räweşe”nä oxşamaw mömkinlegen belderä.  

Ğalim üzeneñ bu temadağı êzlänülären ber fänni konferenśiyädä söyläde. Kolombano fikerençä, bu “bik keçkenä häm ziräk barlıqlar” keşelek texnologiyäseneñ çiklären küptän uzğan häm yoldızlar arasındağı yulçılıqta ostarğan bulırğa mömkin.

Ul śivilizaśiyäbezdäge texnologik üseşneñ yaqınça 10 meñ yıl êlek başlanuı häm barı tik soñğı 500 yılda ğına fänni ısullarnıñ üseşe küzätelüe isäpkä alınğanda, kiläse 1000 yıl buyınça texnologik üseşne küzallaw bik mömkin bulmawın äytä. Kolombano kiläçäktä radiodulqınnarnıñ da zarurlığı qalmayaçağın telgä aldı. Ğalim fiziklarnı iñ ışanıçlı teoriyälärgä tayanıp “UFO küreneşen tikşerü” öçen “spekulyativ fizika” belän şöğıl’länergä çaqırdı.  



Bäyläneşle xäbärlär