Antaliyädä 2 meñ 200 yıllıq şähär tabıldı

Lirboton Kome isemle borıñğı qala zur mäydanğa cäyelgän bulğan

1065358
Antaliyädä 2 meñ 200 yıllıq şähär tabıldı

Antaliyädä 7 yıl êlek xäzinä êzläwçelärneñ äytkän süzenä qarap başlanğan êş şaqqatqıç näticägä kiterde. Tawlıq ber cirlektä çäneçkele ülännär arasında qaçıp yatuçı tabıldıqlar 2 meñ 200 yıllıq antik şähärneke bulıp çıqtı.   

Käpäz xakimiyäte başlığı Xakan Tütüncü beldergänçä, Lirboton Kome isemle borıñğı qala zur mäydanğa cäyelgän bulğan. Anda yortlar, munçalar, çirkäwlär, qaberleklär, zäytün mayı fabrikaları häm Arätä qal’gäse urnaşqan. Ul 7 yıl êlek bu şähärneñ barlığın açıqlawların, ütep yörep bulmastay çäneçkelär, quaqlar arasında monı raslawçı tabıldıqlarnı oçratuların söyläde.  

“Cirlektä başta çistartu êşläre başqardıq, tarixi tabıldıqlarnı üsemleklärdän, quaqlardan qotqardıq. Şunnan soñ proyekt yasap arxeologik qazınu êşlären başladıq. Här qazu waqıtında qızıqlı närsälärgä yulıqtıq. Bu urınnıñ Anadoluğa zäytün mayı citeşterüne cäyelderüçe üzäk buluın öyrändek,”-dip söyläde Tütüncü.

Borınğı şähärne arxeoparkka äwerelderergä uylıylar. Biredä zäytün mayı citeşterüneñ başlanuın añlatqan muzeylar qorılaçaq.



Bäyläneşle xäbärlär