Kanada turizm jurnalında Törkiyäne maqtadılar

"Tarixnıñ tiränleklärenä kitkän şähärlär, qomlıqlar häm tabiğıy maturlıqları belän Törkiyä barlıq kilüçelärgä iskitkeç yal mömkinlekläre birä"

travelweek Turkiye1.jpg

Kanadada här atna çığa torğan turizm jurnalı “Travelweek”nıñ soñğı sanında Törkiyä iğ’tibar üzägendä buldı. Jurnalnıñ tışlığında uq “Törkiyä turizmı biyeklektä” digän yazu tora. Mäqalädä isä çit il turistlarınıñ tağın da kübäyep Törkiyägä kire qaytuları assızıqlana.

Xäbärdä 2018nçe yılnıñ iyül’ ayına 21 million 639 meñ 802 turist kilüe äytelgän. Bu uzğan yılnıñ şul uq çorı belän çağıştırğanda yaqınça 12%qa artıq. Bu san êçendä 59 meñ 893 kanadalı da bar.

Jurnalda Bötendön’ya turizm oyışmasınıñ bazar üseşen yünälderü häm köndäşlek bülege başlığı Sandra Karvaonıñ fikerläre dä urın alğan. Ul Törkiyädäge turizmğa bäyä birep, anıñ alğa kitüendä Rusiyä bazarınıñ kire alınuı, tanıtu çaraları häm yaña infrastrukturağa kertemnärneñ zur rol’ uynawın belderä. “Törkiyä mädäniyäte, tarixı, şähärläre, qoyaşı häm diñgeze belän kiñ cilpäzä şikelle cäyelgän, oxşaşı bulmağan turizm çaralarına iyä häm turizm täêmin itkän mömkinleklären daimi räweştä törländerüne däwam itüçe il,”-dip söyli Sandra Karvao.  

Törkiyäneñ Ottavadağı ilçese Sälçuk Ünal da “Travelweek”qa bu mäs’älä belän bäyle fikerlären belderde. “Törkiyä tağın da kübräk kanadalını qunaq itärgä äzer. Tarixnıñ tiränleklärenä kitkän şähärlär, qomlıqlar häm tabiğıy maturlıqları belän Törkiyä barlıq kilüçelärgä iskitkeç yal mömkinlekläre birä,”-di ul.

Jurnalda “İntrepid säyäxät” tur operatorınıñ Tön’yaq Amerika satış häm kliyentlar belän êşläw bülege mödire Megan Bayley da üzeneñ mäğ’lümatları belän urtaqlaşıp, tarmaqta dön’ya külämendä 2017nçe yıl belän çağıştırğanda 2018dä 214% şikelle zur artu küzätelüen häm Törkiyäneñ bu nisbättän iñ tiz üsüçe turizmğa iyä buluın belderde.   



Bäyläneşle xäbärlär