Kayserida 7 million yıllıq tabıldıq
Cirlektä ber kötüçeneñ xäbärennän soñ arxeologlardan toruçı zur törkem êşkä kereşte
Kayseridä 7 million yarım yıl êlek yäşägän xaywannıñ qaldıqları tabıldı. Anıñ fil yäki şul sem’yalıqtağılarnıqı buluın farazlıylar.
Tabıldıq ber kötücegä oçrıy. Ul wäqalätle oyışmalarğa xäbär birgännän soñ Yamula böyäse tiräsenä ğalimnär kilä. Qazu êşläre waqıtında xaywan qaldıqların tabalar. Kayseri xakimiyäte başlığı Mostafa Çälik: “Ğalimnärebez mondağı fosillärneñ Törkiyädä bügengä qadär bu zurlıqta berböten xäldä tabılğan täwge fosil buluın äytä. Yaqınça 7-8 million yıllıq buluı farazlana. Bu fosillärneñ qayberläre dön’yadağı xezmätlärdä urın alaçaq däräcädä,”-dide.
Gazi universitetınıñ arxeologiyä bülegennän Okşan Başoğlu isä Anadolu cirlegeneñ bik bay fosil qatlamlarına iyä buluın söyläde. Ul biredä näsele yuqqa çıqqan can iyäläre yäşäwen assızıqlıy. Professor alarnıñ qaldıqların êzläw häm tikşerenüneñ ähämiyätle buluın añlattı. “Kayseri bu tarmaqta üzäk bulırğa mömkin. Ber atnadır monda êşlibez, ışanıp bulmastay närsälär taptıq,”-dide ul.
Xaci Bäktaş universitetınıñ sınlı sänğat’ fakul’tetı dekanı Cäsur Pählewan da bik bay fosil törkemenä tap buluların häm fänni êşçänlekneñ däwam itüen belderde.
