“Çikago törekläşä”

Çikagoda Törek festivale açıldı

Chicago turk Festivali basladi.jpg
Chicago turk Festivali.jpg

Amerika Quşma Ştatlarınıñ Çikago şähärendä bıyıl 15nçe tapqır Törek festivale açıldı. Çaranıñ bıyılğı teması “Çikago törekläşä”. Açılış tantanasında AQŞ häm Törkiyäneñ gimnı yanğıradı.

Çaranı Törkiyä-Amerika mädäni al’yansı räise İlgaz Ülgär, Çikago xakimiyäte wäkilläre açıp cibärde. Şunnan soñ Törkiyä konsulı Umut Acar çığış yasap, festival’ne oyıştıruçılarğa räxmäten belderde. Ul Törkiyäne häm törek mädäniyäten Çikagoda tanıta aluğa şatlanuın söyläde.  

Tantanalı çaralar tışında, şähär mäydanında açılğan stendlarda milli qul êşlänmäläre satıp alırğa häm törek rizaqların tatıp qararğa mömkin. Amerikalılarda bu festival’ zur qızıqsınu uyatqanğa oxşıy. Mäydan keşe belän tuldı. Törek sänğat’çeläre çaqıruğa uq cirle xalıq säxnägä mende häm räxätlänep törek milli biyüe xalayğa quşıldı.

Törek cämäğat’çelege AQŞnıñ Çikago şähärendä ayırım ber urın alıp tora. Konsul beldergänçä, bu şähär xalqı häm idaräçeläreneñ törle êtnik törkemnär, mädäniyätlärgä qarata açıq yözle buluına bäyle.



Bäyläneşle xäbärlär