Xatın-qızlar ir-atlarğa qarağanda tağın da azraq xäräkät itä

Oyışma 168 ildä 1million 900 meñ keşene tikşergännän soñ şundıy näticägä kilä

Xatın-qızlar ir-atlarğa qarağanda tağın da azraq xäräkät itä

Bötendön’ya sälamätlek saqlaw oyışması mäğ’lümatlarına qarağanda, cirdä yäşäwçelärneñ dürttän berennän artığı citärlek däräcädä fizik künegülär yasamıy. Belgeçlär xatın-qızlarnıñ ir-atlarğa qarağanda tağın da azraq xäräkätlänüen belderä. Oyışma 168 ildä 1million 900 meñ keşene tikşergännän soñ şundıy näticägä kilä.

Xisapta xäräkätsezlek däräcäsen kimetü yünäleşendä bik az alğa kiteş buluı äytelä. Bu isä yöräk awıruları, yaman şeş häm şikär awıruı belän xastalanu qurqınıçın arttıra. İñ küp xäräkätsezlek yuğarı keremle illärdä kürelä. 2001nçe yılda xäräkätsezlek 32% bulsa, 2016nçı yılda - 37%qa citte. Az keremle illärdä bu san 16%.  

Belgeçlär, Könçığış häm Kön’yaq-Könçığış Aziya tışında, xatın-qızlarnıñ ir-atlardan tağın da az xäräkätlänüen söyli.   

Alğa kitkän illärdä utırıp êşlänä torğan êşlär häm xobbilärneñ, motorlı transport qullanunıñ artuı da bu wäzğıyät’kä säbäpçe.

Xäräkätsezlek däräcäse iñ yuğarı bulğan illär: Kuveyt - 67%, Amerika Samoası -53%, Soğud Ğaräbstanı - 53% häm Ğıyraq 52%. İñ xäräkätçän xalıq Uganda belän Mozambikta yäşi - 6%ı ğına yalqaw.



Bäyläneşle xäbärlär