Braziliyada yanğınnan soñ skandal

Braziliyanıñ Rio de Janeyro şähärendäge Milli muzeyda yäkşämbe könne zur yanğın çıqqan ide

Braziliyada yanğınnan soñ skandal

Braziliyanıñ Rio de Janeyro şähärendäge Milli muzeyda yäkşämbe könne zur yanğın çıqqan ide. Şunnan soñ binada töten detektorı häm iminiyät çaraları bulmawı açıqlandı. Alarnı xökümätneñ byudjet qısqartuları näticäsendä alıp atqannar. Muzeynıñ mödir urınbasarı Kristiano Serejo aqça citmäwen häm byurokratlarnıñ kirtä quyuların belderde.  

Xökümät isä mäydanda cıyılğan meñnärçä keşegä yaña muzey tözergä süz birde.

Braziliyanıñ Milli müzeye 1818nçe yılda açılğan. Anda 20 millionnan artıq äsär häm 530 meñläp kitap saqlana ide. Ul Kön’yaq Amerikada iñ zur tabiğat’ häm antropologiyä müzeye sanaldı. Andağı iñ qıymmätle êksponatlar arasında iñ borınğı keşe qaldıqları häm dinozavr skeletı bar.  



Bäyläneşle xäbärlär