Ronal’do transferı krizisqa säbäp buldı

İtaliyä avtomobil’ firması Fiatnıñ yıllardır xezmät xaqları artmağan xezmätkärläre 15nçe iyül’dä êş taşlayaçaqların xäbär itte

Ronal’do transferı krizisqa säbäp buldı

İtaliyä avtomobil’ firması Fiatnıñ yıllardır xezmät xaqları artmağan xezmätkärläre 15nçe iyül’dä êş taşlayaçaqların xäbär itte. Alar citäkçeläreneñ portugaliyäle futbol yoldızı Kriştianu Ronal’donıñ transferına biräçäk aqçağa rizasızlıq belderä.

Melfi bistäsendäge Fiat êşxanäse xezmätkärlären êş taşlarğa İtaliyä hönärçelär berlege öndäde. Oyışma bu xaqta yazma belderü yasadı.

“Fiat avtomobil’ firması belän “İndustrial” yök maşinası häm traktör şirkäte xezmätkärlärennän yıllardır bik zur iq’tisadi fidaqär’leklär soradılar. Şul uq waqıtta ber futbolçı alu öçen yözlärçä million yevro aqça tügü qararı qabul itelerlek tügel,”-diyelä belderüdä. Bu säbäple 15nçe iyül’ kiçke säğat’ 10nan 17nçe iyül’irtänge 6ğa qadär êş taşlaw iğ’lan itelde.    

Fiat avtomobil’ firması belän “İndustrial” yök maşinası häm traktör şirkäte Êxor xoldinğına kerä. Anıñ başında Andrea An’yelli tora. Ul, şulay uq, “Yuventus” futbol klubı prezidentı.  

“Yuventus” Ronal’donı 112 million yevroğa satıp aldı. Monnan tış, İtaliyä matbuğatında urın alğan xäbärlärgä qarağanda, futbolçığa 4 yıl öçen tuplam 120 million yevro xezmät xaqı bireläçäk.



Bäyläneşle xäbärlär