Traktorında Rusiyägä kitte
Sӓyӓxӓt 25 kön dӓwam itte
Germaniyada yӓşӓwçe 70 yӓş’lek Hubert Wirth kӓrwanğa ӓylӓndergӓn 1936 yılğı traktorı belӓn FIFA Dönya kuboğın qarar öçen Germaniyadӓn Rusiyӓgӓ yul tottı.
Wirthnıň sӓyӓxӓte 25 kön dӓwam itte.
Layıqlı yalğa çıqqan, lӓkin haman da êşlӓwçe alman watandaşı Hubert Wirth maşina tözeklӓnderüdӓ êşlӓgӓn waqıtta traktorın kӓrwanğa ӓylӓnderde.
Maqsatı isӓ – ile öçen uynawçı Germaniya milli taqımın FIFA 2018dӓ xuplar öçen Rusiyӓgӓ baru.
Alman babayı êten dӓ alıp, may ayı urtalarında yulğa çıqtı.
Başta Germaniyadӓn Pol’şağa, annan Belarus’ka kitte.
Mӓskӓwgӓ dӓ barıp citte.
Ber köndӓ iň küp 100 çaqrım bara aluçı traktör kӓrwanda aşap êçte.
Barlığı 2600 çaqrımlıq yulnı uzdı ul.
Wirth ile öçen uynawçı taqımınıň 17 iyun’ könge matçın qarayaçaq.
Soňınnan Rostov-na-Donu, Sankt Peterburg şӓhӓrlӓrendӓge matçlarğa da traktör belӓn baraçaq.