Kuşadasında kruiz turizmı

"Selestial Majesti” köymäse belän 1700 yulçı kilde

Kuşadasında kruiz  turizmı

Kruiz turizmınıñ möhim märkäzlärennän bulğan Kuşadasına “Selestial Majesti” köymäse belän 1700 yulçı kilde. Alarnıñ kübese Awrupa häm Amerika turistları. Kilüçelärneñ ber öleşe Êfes häm Mär’yäm Ana yortına bardı. Qayberläre Kuşadası şähäre üzägendä yal itüne xup kürde.

Êgey portı ğomum mödire Aziz Güngör “Selestial Majesti” kruiz köymäseneñ Kuşadasına 4nçe tapqır kilüen belderde. Anıñ belän bergä töbäktä barlığı 6800 turist qunaq bulğan.  

Aziz Güngör äytkänçä, “Selestial Majesti” kruiz köymäse 9 säfär yasayaçaq. Annan soñ “Selestial Olimpiya” häm “Selestial Kristal” isemle kruiz köymäläre sezon buyınça daimi räweştä kiläçäk.

Bıyıl Kuşadası Êgey Portına 140 köymä säfäre belän 120 meñ yulçı kerep çığuı kötelä. Alar arasında dön’yanıñ iñ zur firmalarınnan “Norvegian Kruiz Layn” häm “Royal Karibbean Kruizes” bar.  



Bäyläneşle xäbärlär