“İñ yaxşı aktrisa”nıñ Oskarın urladılar

Qotlaw kiçäsendä qatnaşuçılarnıñ berse Oskarnı alıp restorannan çığu yağına yünälä

“İñ yaxşı aktrisa”nıñ Oskarın urladılar

 Los Anjelesta kinematografiya ölkäsendäge qazanışlar öçen Amerika akademiyäse bülägen tapşıru tantanasınnan soñ cäncal buldı. “İñ yaxşı aktrisa” isemenä layıq bulğan Frênsis MakDormandnıñ Oskarın urladılar. Şöbhäle -tantanadan soñ oyıştırılğan qotlaw kiçäsendä qatnaşqan Terri Brayant isemle beräw. Ul  MakDormandnıñ Oskarı belän video töşerep internetta urtaqlaşqan.  Soñınnan büläkne alıp restorannan çığışlıy anı saqçılar êläkterä. Şöbhäle qaraqlıq niyäte öçen qulğa alındı. Oskarnı iyäsenä kire qaytardılar.

Älege häykälçek qara märmärdän yasalğan, 34 santimetr biyeklegendä, 3 kilo 800 gramm awırlıqta. Östenä altın yögertelgän. Belgeçlär anıñ bäyäse 330 dollar dip belderä.  Kinoakademiya tarafınnan Oskarlarnı satu tıyılğan. Ägär büläk iyäse annan qotılırğa teläsä, 1 dollarğa kire alalar.



Bäyläneşle xäbärlär