İran belän Kön’yaq Koreya arasında “telefon nizağı”

Samsung Olimpiya uyınnarında 4 meñ telefon tarataçaq, ämma İran belän Tön’yaq Koreya sportçılarına birmi

İran belän Kön’yaq Koreya arasında “telefon nizağı”

Kön’yaq Koreya 2018nçe yıl Qışqı Olimpiya uyınnarında qatnaşuçı sportçılarğa Samsung aqıllı telefonı büläk itäçäge bilgele buldı. Ämma bu isemlekkä Tön’yaq Koreya häm İran kermägän. Bu xäbär Tähran xökümätendä rizasızlıq tudırdı. İran Tışqı êşlär ministrlığınnan kilgän mäğlümatta: “Samsung şirkäte gafu ütenmäsä, bu mäs’älä İran belän Samsung arasındağı iq’tisadi bäyläneşlärgä zur yoğıntı yasayaçaq”,-diyelgän. Deputatlar isä xalıqnı Samsung cihazlarına boykot iğ’lan itärgä çaqırğan.

Samsungnıñ Olimpiya uyınnarında 4 meñ telefon taratuı, ämma İran belän Tön’yaq Koreya sportçılarına birmäwe AQŞ säyäsäte belän bäyle. Bu ike däwlät Amerikanıñ sankśiyäläre isemlegendä.    



Bäyläneşle xäbärlär