Xalıqara media uqıtu-öyrätü programması başlandı
TRT oyıştırğan çara Antaliyada uza
Antaliyada Törkiyä teleradiokompaniyäse TRT oyıştırğan 5 nçe Xalıqara media uqıtu-öyrtätü programması başlandı.
Çarada 70 ildän 162 media xezmätkäre qatnaşa.
Älege programmanıñ maqsatı – Törkiyäneñ teleradiotapşırular ölkäsendäge täcribäsen böten dönya belän urtaqlaşu.
Xalıqara media uqıtu-öyrtätü programmasınıñ açılış tantanasında TRT ğomum mödir urınbasarı Êrkan Durdu,”Anadolu” agentlığı ğomum mödir urınbasarı Mostafa Özkaya, Antaliya jurnalistlar cämğiyäte başlığı Mävlüt Yäni häm küp sanda media oyışmasınnan wäkillär qatnaştı.
Çarada törki cömhüriyätlär, Aziya, Awrupa, Afrika, Latin Amerikası illäre häm Kavkazdan kilgän däwlät häm şäxsi media oyışmaları xezmätkärläre urın ala.
TRT ğomum mödir urınbasarı Durdu açılışta yasağan çığışında “Törkiyä soñğı yıllarda keşelek dönyası kiläçäge öçen regional’ häm global’ däräcädä şaqtıy faydalı kereşüne äydäp bardı häm monı kiläçäktä dä däwam itteräçäk”dide.
TRTneñ soñğı yıllarda dönyanıñ iñ yaxşı däwlät teleradiokompaniyälärennän berse bulu yünäleşendä uñışlı adımnar yasawın assızıqladı.
Durdu här media äğ’zasınıñ şul uq waqıtta ileneñ mädäniyat ilçese buluın da belderde.
Açılış çığışlarınnan soñ dokumental’ fil’m kürsätelde.
Xalıqara media uqıtu-öyrtätü programması 14 nçe dekabr’dä tämamlanaçaq.