Pol’şa möselman tatarlarınıñ ğoref-ğadätläre häm zamandaşlığı

Änkarada “Pol’şa möselman tatarlarınıñ ğoref-ğadätläre häm zamandaşlığı” kürgäzmäse

Pol’şa möselman tatarlarınıñ ğoref-ğadätläre häm zamandaşlığı
Pol’şa tatarlarınıñ yolası häm zamandaşlığı
Pol’şa tatarlarınıñ yolası häm zamandaşlığı

2017nçe yılnıñ 29nçı noyabr’ çärşämbe könne Törkiyä başqalası Änkaradağı Bilkent universitetınıñ sänğät, dizayn häm miğmarlıq-arxitektura fakul’tetında “Pol’şa möselman tatarlarınıñ ğoref-ğadätläre häm zamandaşlığı” isemle kürgäzmä açıldı.

Pol’şanıñ Törkiyädäge ilçelege oyıştırğan räsem kürgäzmäsen açu aldınnan mini konferenśiya ütkärelde.

Qırım tatar ğalime professor Haqan Qırımlı Pol’şa tatarlarına bağışlanğan cıyın häm kürgäzmä turında añlata.

2017nçe yılnıñ 29nçı noyabr’ çärşämbe könne Törkiyä başqalası Änkaradağı Bilkent universitetınıñ sänğät, dizayn häm miğmarlıq-arxitektura fakul’tetında “Pol’şa möselman tatarlarınıñ ğoref-ğadätläre häm zamandaşlığı” isemle kürgäzmä açıldı.

Pol’şanıñ Törkiyädäge ilçelege oyıştırğan häm 15nçe dekabr’gä xätle açıq bulaçaq räsem kürgäzmäsen açu aldınnan mini konferenśiya ütkärelde.

Tanılğan ğalimi professor Adnan Aqay açıp cibärgän fänni cıyında çığış yasawçı Pol’şanıñ Änkara tulı wäqalätle ilçese Maceiz Lang Pol’şanıñ üzlärenä qoçağın açuına qaramastan tatarlarnıñ sörgendä bik küp yara aluın, bigräq tä qırım tatarlarınıñ sovet rejimınıñ zolımına duçar buluın assızıqlap äytep uzdı.

Professor, doktor Haqan Qırımlı Pol’şa tatarlarınıñ tarixı, uzğanlığı turında mäğlümat birgän bulsa, Pol’şa tatarları cämğiyäte başlığı möfti Tomasz Miskiewicz isä, bügenge köndä Pol’şada 45 meñ tatarnıñ ğomer itüen, 6 şähärdä bülekçäse bulğan tatar cämğiyäteneñ biyü törkeme, kitaplarnı näşer itü, dini belem birü kebek küp sanda êşçänlege buluın añlatıp birde.

Pol’şa tatarları wäkile üzenen çığışında TİKA agentlığı aradaşçılığı belän kürsätelgän yärdäm öçen Törkiyägä räxmätlären citkerde.

Pol’şa tatarlarına bağışlanğan cıyın häm kürgäzmä turındağı uy-fikerlären citkerüçe qırım tatar ğalime Haqan Qırımlı belän äñgämäne biredän qarıy alasız.



Bäyläneşle xäbärlär