İstanbul Photo Awards kürgäzmäse

Kürgäzmä Mäskäwdä oyıştırıldı

İstanbul Photo Awards kürgäzmäse

Anadolu agentlığı tarafınnan oyıştırılğan xalıqara fotoräsem bäygese “İstanbul Photo Awards 2017”neñ büläkkä iyä bulğan fotoräsemnäre Rusiyä başqalası Mäskäwdä sänğat söyüçelär iğtibarına täqdim itelde.

Anadolu agentlığı xezmätkäre Äxmät Säl kürgäzmäneñ açılışında çığış yasadı.

Äxmät Säl uzğan yıldan ayırmalı bularaq kategoriyaläre bıyıl 8dän 10ğa çığarılğan bäygegä iñ küp möräcäğat’ yasağan illärdän berse Rusiyä buluına işarät itep: “Şunıñ öçen bıyıl kürgäzmälärebezdän berse Mäskäwdä oyıştırğanıbız öçen bik şat bez,” – dide.

AA tarafınnan 3 yıl buyı oyıştırılıp kilüçe xalıqara bäygegä bıyıl yaqınça 25 meñ möräcäğatneñ yasaluın assızıqlağan xezmätkär tübändägeçä citkerde: “Bu waqıt êçendä 17 ildän 22 fotoxäbärçe 133 meñ dolarlık aqçalata büläkkä layıq buldı. Şaqtıy rus fotoxäbärçese dä bäygedä büläklär aldı.”

Açılış tantanasında Mäskäw ilçelege räsmi zatları, milli häm xalıqara media oyışma äğzaläre belän törek cämäğatçelege wäkilläre dä qatnaşqan çara 19nçı noyabr’ könenä qadär baraçaq.

“İstanbul Photo Awards” bäygeseneñ räsmi sponsorlığın isä Törek hawa yulları belän Törek xezmättäşlege häm koordinaśiya agentlığı idaräse TİKA üz östenä aldı.



Bäyläneşle xäbärlär