"Hollivud filmnarında töşmӓdem"

Bu turıda Aamir Khan İstanbuldağı matbuğat oçraşuında citkerde

"Hollivud filmnarında töşmӓdem"

Törkiyӓgӓ kilgӓn Bollivud yoldızı Aamir Khan İstanbuldağı üzenӓ qarata bulğan iğtibarnıň şatlandıruın ӓytte.

Mӓdӓniyӓt hӓm turizm ministrlığınıň çaqırulı qunağı bularaq yaňa “Sekret Superstar” filmın tanıtu maqsatı belӓn İstanbulğa kilgӓn aktyer oyıştırğan matbuğat oçraşuında Törkiyӓgӓ kilgӓne öçen bik şat buluın belderde.

Bollivud kinosında ireşkӓn uňışnıň sӓbӓben belmӓwen ӓytkӓn Khan: “Tamaşaçılarnıň ayıruça ber uyınçını yaratunıň hӓm qalğannarın ul qadӓr yaratıp betermӓwneň sӓbӓben belmim. Monıň aňlaw bik awır, anın turıda uylamıym da. Êşemne başqaruım mine bӓxetle itӓ,” – dide.

Aktyer Törkiyӓdӓ 20nçe üktӓbrdӓ kürsӓtelӓçӓk yana filmı “Sekret Superstar” belӓn bӓyle mӓğlümat ta birde hӓm tübӓndӓgeçӓ citkerde: “Bu film keşelӓrneň küňelen yawlasa, bik bӓxetle bulırmın. Film ӓz quzğatıluçı mӓs’ӓlӓne kütӓrӓ,” – dide.

Hindıstan aktyerı Amerikan mӓdӓniyӓteneň üzenӓ yat buluın, bügengӓ qadӓr Hollivud filmnarında töşmӓwen belderde.

Aamir Khan 4 kön buyı İstanbul hӓm Ӓnkarada törle çaralarda qatnaşaçaq.



Bäyläneşle xäbärlär