Törkiyädä pesilär qasabası

Törkiyäneñ Qara dingez töbägendäge Samsun qalasında pesilär öçen qasaba salınğan

Törkiyädä pesilär qasabası

Törkiyädä Samsun şähär xakimiyäte salğan häm xayvannar öçen härtörle uñaylıqlar buldırılğan "Pesilär qasabası"na kilüçelär sanı artqan.

10 meñ kvadrat metrlıq urman mäydanında tözelgän, pesilär öçen quışlar, uyın häm tuqlanu urınnarı salınğan Pesilär qasabasında 800 uram mäçese yäşi.

Biredä veterinar, baytar tabibı bulıp wazıyfa başqaruçı Çätin Qılınç “Anadolu” agentlığı xäbärçesenä xayvan yaratuçılarnıñ mäçelärneñ sıyınır cirlärenä kürsätkän iğtibardan bik şat buluların äytte.

Pesilär qasabasındağı mäçelärne xayvan yaratuçılarnıñ yalğız qaldırmawın assızıqlawçı Qılınç: "Keşene söyüçe xayvannı yarata, xayvannı söyüçe keşene yarata. Pesilär keşelär belän yäşärgä yarata. Keşelärne kürgän çaqta bäxetle bula. Xayvansöyüçelär yış yış biredäge sıyınır cirgä kilä. Xayvannarğa aşamlıq kiterä. Mäçelär belän waqıt uzdıra. Biregä kilüçelärneñ sanı öç märtäbä arttı", - dip belderde.



Bäyläneşle xäbärlär