Gerakl lӓxete Törkiyӓgӓ cibӓrelӓ
Lӓxet Jeneva şӓhӓrendӓ kilüçelӓr öçen tӓqdim itelgӓn
Gerakl lӓxete Şveysariyaneň Jeneva şӓhӓrendӓ kilüçelӓr öçen tӓqdim itelgӓn.
Kürgӓzmӓdӓ urın aluı belӓn üz cirenӓ qaytarılu barışı da başlanğan.
Törkiyӓneň Mӓdӓniyӓt hӓm turizm ministrı Nabi Avcı Jenevada BMOnıň Belem, fӓn hӓm mӓdӓniyӓt oyışması YUNESKO ğomüm mödire İrina Bokova belӓn küreşte.
Ministr Avcı söylӓşüdӓn soň Jeneva Universitetında Törkiyӓdӓn urlanğan Gerakl lӓxeteneň tӓqdim itelü tantanasında qatnaştı.
Nabi Avcı Jeneva universitetındağı tantanada yasağan çığışında: “Ber tarixi ӓsӓrne geografiya, mӓdӓniyӓt hӓm sӓnğat bağlarınnan ayırunıň çınında ber il mӓdӓniyӓteneň tügel, ӓ bar dönya ŝivilizaŝiyase bötenlegeneň cimerelüen aňlatuın onıtırğa tiyeş tügelbez,” – dide.
Mӓdӓniyӓt hӓm turizm ministrı Törkiyӓneň ildӓn qanunsız çığarılğan barlıq mӓdӓniyӓt baylıqlarınıň tapşırıluı öçen kirӓkle êşçӓnleklӓrne başqarunı dӓwam itterӓçӓklӓren assızıqladı.
2010nçı yılda Jeneva tamğaxanӓsendӓ qulğa töşerelgӓn Gerakl lӓxeteneň kilüçelӓr öçen tӓqdim itelüe belӓn Törkiyӓgӓ tapşırılu barışı da başlana.
Mӓxkӓmӓ barışı nӓticӓsendӓ lӓxetneň Jeneva universitetında 3 ay urın alğannan soň Törkiyӓgӓ cibӓrelüenӓ qarar birelgӓn ide.
B.ê. qadӓr 2nçe ğasırdan qalğan, Perge borınğı şӓhӓrendӓ tabılğan tanılğan mifologiya qaharmanı Geraklnıň lӓxete 235 santimetr ozınlığında, 112 santimetr kiňlektӓ hӓm 3 tonna awırlığında.
Bäyläneşle xäbärlär
Êverestta yuğalğan tawmenär xatları
Al'pinistnıñ xäläl cefetenä yazğan xatları 100 yıldan soñ cämäğat’çelek belän urtaqlaşıldı
Mäskäwdä 23 aprel’ Balalar bäyräme qotlandı
Balalar Mostafa Kämal Atatörek, Törkiyä häm watanpärwärlek turında şiğır’lär uqıdı, cırlar cırladı