Kenan Sofuoğlu qabat berençe

Törek motośiklistı Kenan Sofuoğlu öçençe tapqır berençe buldı

Kenan Sofuoğlu qabat berençe

Bötendönya supersport çempionatında köç sınaşuçı törek motośiklistı Kenan Sofuoğlu Böyek Britanda oyıştırılğan sezonnıñ altınçı yarışında berençe buldı.

Böyek Britannıñ Kastl Donington töbägendäge 4 meñ 23 metrlıq Donington parkı yarış yulında 20 tur räweşendä ütkärelüe planlaştırılğan yarışqa berençe isemlektän başlağan Kawasaki Puçketti taqımınnan Kenan Sofuoğlu yarışnıñ axırına xätle urının saqlap qaldı.

Ber motośikldan maynıñ ağuı arqasında yaqınça yartı säğät ara birelgän häm 13 turğa töşerelgän yarışta baştan azağına xätle aldan barğan Kenan Sofuoğlu ber-ber artlı 3nçe berençelegen yawladı.

“GRT Yamaha”dan Lukas Mahias ikençe, “CIA Landlord”tan Jyul’ Kluzel’ isä öçençe buldı.

Kar’yerasınıñ 41nçe berençelegen qazanğan häm oçkosın 75kä citkergän Kenan Sofuoğlu Mahiasnıñ 105 oçko belän lider bulğan yörtüçelär klassifikaśiyasında ikençe urınğa kütärelde.

Bötendönya supersport çempionatınıñ 7nçe öleşe 18nçe iyün’dä İtaliyada uzaçaq.



Bäyläneşle xäbärlär