Fälästindä törek restoranı açıldı

Zürna” Ramallah şähärendä tantanalı räweştä açıldı

Fälästindä törek restoranı açıldı

Fälästindäge berençe törek restoranı “Zürna” Yordannıñ könbatış üzäñlegeneñ Ramallah şähärendä tantanalı räweştä açıldı.

Restorannıñ açılış tantanasında Törkiyäneñ Qudüs-Yerusalimdağı tulı wäqalätle ilçese Gürcan Türkoğlu, Fätih xäräkäteneñ üzak şura äğzase Cibril Rucub, Fälästindä yäşäwçe töreklär häm şaqtıy fälästinle qatnaştı.

Açılışında Fälästin fol’klorı urın alğan restorannıñ 3 aşçısı – törek, qalğan êşçeläre isä fälästinle. İstanbuldağı Bosfor buğazı räsemnäre kürsätelgän açılışta törek aş-sularınnan lahmacun, käbap häm tatlı rizıqları Fälästinlelärgä täqdim itelä.

Türkoğlu: “Fälästindä berençe tapqır törek restoranı açıldı. Monda Törkiyägä qarata mäxäbbät bar. Törek tovarları qullanıla, Törkiyägä säyäxät itärgä baralar. Törekçä öyränälär, törek serilların qarıylar. Aş-suları da monıñ ber öleşe buldı xäzer,” – dide.

Yaqınça 30 êşçese belän zur alanda tözelgän häm yaqınça 1 million dollar sarıf itelgän “Zürna” restoranı iyäse İslam Hicazi törek mädäniyäte, tarixı häm aş-suları belän soqlanuın belderep: “Başta törek aş-sularınıñ dönyanıñ iñ läzzätle aş-suları buluın qabul itüebez kiräk. Yaqın Könçığış aş-sularına yaqın tämnäre bar. Ramallahta berençe tapqır açılğan bu törek restoranı inşallah populyar bulır. Fälästin xalqı Törkiyä häm törek aş-suları belän bik qızıqsına,” – dide.

Yawlaw astındağı Yordannıñ könbatış üzäñlegendä mondıy proyektnıñ tämamlaw barışlarının bik awır buluın açıqlağan Hicazi: “İzrail yawlawı astında yäşibez. Bezgä şaqtıy qıyınlıq tudırdırlar. Läkin Fälästin citäkçelege yärdäme belän proyektıbıznı tämamlıy aldıq,” – dide.



Bäyläneşle xäbärlär