“TRT - başqa media oyışmalarına ürnäk”

  İlbaşı Räcäp Tayyip Ärdoğan Törkiyä teleradiokompaniyäse TRT neň 53 yıllığı uňayınnan TRT ğomum mödire Şänol Gökağa qotlaw yullaması cibärde.

İlbaşınıň yullamasında tübändäge yullar urın aldı: “TRT törek telen, milli häm ruxıy qimmätlärebezne saqlap qalıp başqa media oyışmalarına ürnäk bulıp qala birä. TRT xalıqnıň kötkännären qanäğät’länderüçe media aňlayışı belän  här kön tağın da kübräk qarala. Yartı ğasırdan kübräk täcribägä, köçle texnologik asqormağa iyä bulğan ,yaňa kanalları häm küp teldäge tapşıruları belän qarawçı kontingentın  könnän kön tağın da kiňäytüçe TRT bügenge köndä dönya televideniyeläre arasında möhim urın alıp tora. Törkiyä teleradiokompaniyäse mäktäp üzençälegen media ölkäsendä dä däwam itterä”.

TRT qorılunıň 53 yıllığı uňayınnan ğomum mödir Şänol Göka häm yanındağı wäkillek Anıtqabergä bardı häm Atatörek mavzoleyına çäçäklär quydı.

Anıtqaber Maxsus däftärenä imza saluçı TRT ğomum mödire teleradiokompaniyäneň prinŝipial’ media aňlayışın qatği räweştä däwam itteräçägen assızıqladı.