Kanadada Bötendönya yawlıq köne

Kanadada ber törkem xatın-qız İslamofobiyane protest itü häm möselman xatın-qızlarğa êmpatiya toyu öçen 1 ay yawlıq kiyäçäk.

Kanadada 2014nçe yıldan bügengä qadär oyıştırıluçı Bötendönya yawlıq köne çarasına Alberta vilayätenä bäyle Fort MakMörrêy şähärendä bıyıl ayıruça zur qızıqsınu kürsätelgän.

Bötendönya yawlıq könen Fort MakMörrêyda oyıştırğan Kiran Malik Khan çara turında işetkän Kanadalı 7 xatın-qıznıñ üzlärenä kilep, yawlıq kiyär öçen röxsät sorawların äytkän.

“Çaranıñ isemen “Yawlıq qardäşlege” dip quştıq. Röxsät sorağanda bez bik şatlandıq,” – digän Khan: “1 ay buyı yawlıq kiyäçäklär,” – dip beldergän.

Älege kön uñayınnan oyıştırılğan çarada yözlärçä xatın-qız säwdä üzäklärendä açılğan stendlarda möselmannarğa xuplaw kürsätkän.

Stendlarda xatın-qızlarğa yawlıq kiderelgän, äzerlängän broşyuralar häm slaydlar yärdämendä yawlıq häm İslam xaqında mäğlümat birelgän.

Kanadalı qayber xatın-qızlarnıñ yawlıqlarnı satıp aluları kürelgän, qayberlärenä dä yawlıq büläk itelgän.