BMOda Näwrüz kontsertı

Berläşkän Millätlär Oyışması ğomüm üzägendä Näwrüz kontsertı uzğan.

Xalıqara törki dönya mädaniyäte oyışması TÜRKSOY organizatsiyase belän oçraşqan 150 tiräse sänğatçe BMO Ğomüm şura zalında kontsert quyğan.

Berläşkän Millätlär Oyışması tarafınnan matdi bulmağan mädäniyät mirası bularaq qabul itelgän Näwrüz şaqtıy diplomat häm qunaq qatnaşında oyıştırılğan tantanada qotlanğan.

Bıyılğı qotlawlar Azärbaycan, Qazaqstan, Qırğızstan häm Törekmänstan bäysezlekläreneñ 25 yıllığına bağışlanğan.

Tantanada çığış yasağan BMO ğomüm särqätip wäkile Jan Eliasson Näwrüzneñ Berläşkän Millätlär Oyışması öçen mädäniyät mirası qısasında buluın citkerep, BMOda 5 yıldan soñ TÜRKSOY kontsertın qarawnıñ şatlandıruçı buluın äytkän.

Näwrüzne qotlawçı illärneñ zur öleşeneñ ayawsız höcümnär külägäsendä qaluın beldergän Eliasson: “Radikal' höcümnärne baş iymiçä, köç berlege belän atlatıp bula. Radikal' köçlär ayırıp qaraw häm qotıplaşu teli. Moña bireläçäk iñ yaxşı cawap – berläşü,” – digän.

TÜRKSOY ğomüm särqätibe Düsän Kasäinov ta Törkiyä häm Belgiyadağı terror höcümnären ğayepläp, bu qayğılı waqiğalar külägäsendä Näwrüz bäyrämeneñ sülpän qotlanuın açıqlağan.

Çığışlardan soñ 15 ildän kilgän yaqınça 150 sänğatçe Näwrüz bäyräme simvollawçı yaz belän canlana başlağan tabiğatneñ keşelärgä alıp kilgän mullıq, bäräkät, terelek, söyü, qardäşlek, urtaqlaşu häm tınıçlıqnı añlatuçı çığışlar yasağan.