"Altın quzı" büläkläre iyälärenä tapşırıldı

12 film urın alğan Milli ozın metrajlı film bäygesendä “İň yaxşı film” bülägenä rejisserı Nesimi Yetik bulğan “Tuzan ruxı” filmı layıq buldı.

Bäygedä “İň yaxşı stsenariy” bülägen Därviş Zalimneň “Balıq” filmı aldı.

“Jyuri maxsus büläge” “Tuzan ruxı”, “Yaňğır qiyamät çäçäge” häm “Närgiz xanım” filmnardağı rolläre öçen Settar Tanrıögengä birelde.

“İň yaxşı rejisser” bülägen “Diňgez däräcäse” filmı belän Nisan Dağ häm Äsra Saydam qazandılar.

Kino söyüçelär tawışı belän saylanğan “Adana tamaşaçı büläge”nä isä “Yaňğır qiyamät çäçäge” filmı layıq buldı.

Yılmaz Günäy maxsus bülägen isä “Ni öçen Tarkovskiy bula almıym?” filmı aldı.

Festivaldä “İň yaxşı ir-at uyınçı” büläge “Diňgez däräcäse” fimındağı role öçen Äxmät Rıfat Şungar häm “Tuzan ruxı” filmında uynağan Tansu Biçärgä birelde.

“İň yaxşı xatın-qız uyınçı” bülägen isä “Diňgez däräcäse” filmında töşkän Damla Sönmäz häm “Eçemdäge balıq” uyınçısı Däniz Özdoğan qazandı.

Festivaldä “Ömet birüçe ir-at uyınçı” bülägenä isä “Diapazon” filmındağı role belän Aytaç Usun layıq bulğan waqıtta “Ömet birüçe xatın-qız uyınçı” bülägen isä “Närgiz xanım”da uynağan Bägüm Akkaya aldı.