Törkiyäneñ saqlanu sänägtendä üseşe

Törkiyӓ uzğan yıllarda saqlanu sӓnӓgӓte ölkӓsendӓ zur alğarış tӓêmin itte. Şaqtıy qoral sistemasın hӓm kirӓk-yaraqlarnı cirle mömkinleklӓr belӓn citeşterӓ alğan Törkiyӓ saqlanu sӓnӓgӓte ber yaqtan Törek qorallı köçlӓreneñ çit ilgӓ bulğan bӓylelegen azayta, ikençe yaqtan Törkiyӓ iqtisadına hӓm tışqı sӓyӓsӓtenӓ möhim öleş kertӓ. Törek saqlanu sӓnӓgӓteneñ üsüe Ğadӓlӓt hӓm qalqınu partiyaseneñ 2002 yılda xökümӓt qoruınnan soñ yaña tizlek qazandı. Yıllar belӓn üsterelgӓn qoral sistemaları yӓrdӓmendӓ Törkiyӓ hӓm Törek qorallı köçlӓre tağın da köçӓyde.

Sӓyӓsӓt, iqtisad hӓm ictimaği tikşerenülӓr waqıfı SETAda tikşerenüçe, yazuçı Can Acunnıñ mӓs’ӓlӓ belӓn bӓyle açıqlawın tӓqdim itӓbez.

Törkiyӓ saqlanu sӓnӓgӓtendӓ yasağan iniśiativaları belӓn şaqtıy ciröste, diñgez transport çaraları, aviaśiya hӓm ğalӓm,  xӓrbi hӓm êlektron sistemalar, qoral sistemaları, radar hӓm êlektron xӓrbi, logistik hӓm belem birü ölkӓlӓrendӓ zur alğarışlar tӓêmin itte. KİRPİ, BMC EFE, KAYA, PARS, EJDER, EJDER YALÇIN, KOBRA hӓm URAL kebek uñışlı köbӓle transport çaraların citeşterüçe törek saqlanu sӓnӓgӓte transport çaraların ber yaqtan Törek qorallı köçlӓrenӓ tapşıra, ikençe yaqtan da çit illӓrgӓ êksportlıy. Ayıruça terrorçılıq belӓn körӓş qısalarında uñışların isbat itkӓnnӓn soñ törek köbӓle transport çaralarına çit illӓrdӓ qızıqsınu arttı. Törek êşlӓnmӓlӓreneñ NATO standartlarınnan da yaxşı buluı alarnıñ xalıqara bazarlarda sorala başlanuına iltte. Törkiyӓ diñgez hӓm hawa transport çaralarında da uñışqa ireşte.

Mӓsӓlӓn törek saqlanu sӓnӓgӓte milli mömkinleklӓr belӓn êşlӓp çığarğan MİLGEM diñgez transport çaraları hӓm ATAK boralağı törek saqlanu tarixında iñ küp satıldı. Paqıstannıñ Törkiyӓdӓn 1 milliard yarım dollarğa 30 ATAK boralağın satıp aluı Törkiyӓ iqtisadına hӓm Törkiyӓ-Paqıstan mönӓsӓbӓtlӓrenӓ zur öleş kertte. Paqıstannıñ ATAQ boralaqları öçen tözegӓn kileşüdӓn soñ Törkiyӓdӓn 4 MİLGEM köymӓseneñ alınuı öçen alkileşü imzalawı Törkiyӓ tarixındağı iñ zur ber tapqırlıq saqlanu sӓnӓgӓte êksportı.

Törkiyӓ hawa transport çaralarında ireşkӓn alğarışnıñ ikençe kürsӓtkeçe isӓ - qorallı hӓm qoralsız BAYRAKTAR keşesez hawa apparatı. Qatarda oyıştırılğan DİMDEX 2018 yӓrminkӓse qısalarında Qatarğa 6 Bayraktar TB2 keşesez hawa apparatınıñ êksportı öçen kileşü tözelde. Yӓrminkӓdӓ şul uq waqıtta BMC, AMAZON, KİRPİ, EJFER YALÇIN, AKİD belem birü köymӓse, Ares törle yözüçe platformalar hӓm Yonca Onuk MRTP-24/U êksportlanıp, barlığı 700 million liralık kileşüneñ tözelüe belderelde.

Törek hawa transport çaralarınıñ uñışın kürsӓtüçe ikençe nӓrsӓ – Ukraina hӓm Törkiyӓ arasında Ukrainağa BAYRAKTAR keşesez hawa apparatlarınıñ satıluı hӓm urtaq êşxanӓneñ qorıluı öçen kileşüneñ imzalanuı.

Saqlanu sӓnӓgӓteneñ uñışın kürsӓtü cӓhatennӓn “Fӓrat qalqanı” operaśiyase hӓm “Zӓytün botağı” xӓrӓkӓte bik möhim ike xӓrbi operaśiya bulıp tora. Törek qorallı köçlӓre DEAŞ hӓm PKK/YPG belӓn körӓşkӓn xӓrӓkӓtlӓrdӓ törek saqlanu sӓnӓgӓte citeştergӓn êşlӓnmӓlӓr qullanıldı. Törek ğaskӓrilӓreneñ Süriyӓdӓge awır şartlarğa qaramastan ike operaśiyadӓ zur uñışqa ireşüeneñ töp sӓbӓplӓrennӓn berseneñ saqlanu sӓnӓgӓtendӓge üseş buluı ap-açıq.

“Fӓrat qalqanı” xӓrakӓte hӓm “Zӓytün botağı” operaśiyasendӓ törek saqlanu sӓnӓgӓte êşlӓnmӓlӓreneñ ike xӓrӓkӓt ixtıyacların 100%ka qanӓğatlӓnderüe Törkiyӓneñ bӓysezlegen arttıruın kürsӓtep tora. İke operaśiyadӓ alğı planğa çıqqan 6 saqlanu sӓnӓgӓte êşlӓnmӓse bar: Milli pexota mıltığı, Dawıl gaubiśaları, Bayraktar qorallı keşesez hawa apparatları, ATAK boralağı, EJDER YALÇIN hӓm KİRPİ transport çaraları.

Törek ğaskӓrilӓreneñ milli pexota mıltığın qullanuı, Süriyӓdӓge maqsatlarnıñ qorallı hӓm qoralsız keşesez hawa apparatları belӓn bilgelӓnep, yuqqa çığarıluı, Dawıl gaubiśalarınıñ Törkiyӓ çigennӓn Süriyӓdӓge maqsatlarnı yuqqa çığaruı, ATAK boralağınıñ Afrin kebek tawlı cirlӓrdӓ terror oyışması tӓmeklӓrenӓ qarşı aktiv rӓweştӓ qullanıluı, EJDER YALÇIN hӓm KİRPİ köbӓle transport çaralarınıñ törek ğaskӓriyen terror höcümnӓrennӓn saqlawı törek saqlanu sӓnӓgӓteneñ zur imtixanı ide. Törek saqlanu sӓnӓgӓte citeştergӓn qoral sistemalarınıñ çın suğış alanında uñış kürsӓtüe xalıqara mӓydanda saqlanu sӓnӓgӓte ӓhӓmiyӓtkӓ iyӓ.