Şäftalu êksportında rekord

Rusiyä Törkiyädän cibärelgän här ike kilo şäftalunıñ bersen aldı

Şäftalu êksportında rekord

Uzğan yıl Törkiyä çit illärgä 128 meñ 600 tonna şäftalu satıp rekord yasadı.

Uludağ êksportyerlar berleklärennän alınğan mäğ’lümatlarğa qarağanda, älege cäyge ciläk-cimeşne satu 2018nçe yılda, annan aldağı yılğa qarağanda, 43,7%qa arttı.

Şäftalunı êksport yoldızı dip tä atıylar. Anı çitkä çığarudan kerem 24,6%qa artıp 70 million dollardan 87 million yarımğa citte.

Şäftalu bik küp töbäklärdä citeşterelä. Berençelek - Bursa häm Çanakkalädä. Anı uzğan yıl 65 il satıp alğan. İñ küp taläp itüçelär - Rusiyä, Ğıyraq, Rumıniyä, Soğud Ğaräbstanı häm Süriyä.

Rusiyä Törkiyädän cibärelgän här ike kilo şäftalunıñ bersen aldı. Älege ilgä êksport uzğan yıl 30%qa arttı. Barlığı 73 meñ tonnağa yaqın cibärelgän. Annan kilgän kerem - 66 million 800 meñ dollar.

İkençe urında  - Ğıyraq. Anda 23 meñ tonna şäftalu cibärelgän.

Rumıniyä häm Süriyägä êksporttağı artış iğ’tibarğa layıq - 164%.

Soğud Ğaräbstanına şäftalu satu azalsa da, 2 meñ yarım tonna belän iñ küp aluçı illär arasına kerä aldı.



Bäyläneşle xäbärlär