Franśiyädä yağulıqqa bäyälärne arttırmayaçaqlar

Xökümät rizasızlıq kürsätüçelärneñ taläplärenä qolaq salırğa mäcbür

Franśiyädä yağulıqqa bäyälärne arttırmayaçaqlar

“Sarı jiletlılar” rizasızlıq kürsätkännän soñ yağulıqqa bäyälär artu 6 ayğa kiçekterelde. Bu xaqta Franśiyä xökümäte räise Êduard Filipp belderde. Ul, Cömhüriyät yöreşe xäräkäte xalıq ışanıçlıları qarşında çığış yasap, franśuzlarnıñ tormışlarındağı awırlıqlarnı häm alarnıñ açuın añlawın äytte. Filipp rizasızlıq çaralarında ülüçelär häm yaralanuçılar buluın, şul säbäple dähşätne tuqtatu kiräklegen söyläde.

Yağulıqtan tış, êlektr ênergiyäse häm tabiğıy gazğa da bäyälärne kütärmiçä toralar.

Franśiyädä yağulıqqa bäyälär artu häm naçar iq’tisadi şartlarğa rizasızlıq yözennän 17nçe noyabr’dä “sarı jiletlılar”nıñ çaraları başladı. Ul ildä sonğı yıllarnıñ iñ dähşätle qarşılıq kürsätüenä äwerelde. Waqıyğalarda 3 keşeneñ ğomere özelde, 1043 keşe yaralandı. 1424 keşene saq astına aldılar.



Bäyläneşle xäbärlär