• Video galereyası

Törkiyäneñ säwdä ministrı Ruxsar Päkcan Angliyä häm Argentinağa kitä

Anda säwdä häm investiśiyä mönäsäbätläre, bazarğa kerü mömkinlekläre, finans xezmätläre şikelle bik küp mäs’älä telgä alınaçaq

Törkiyäneñ säwdä ministrı Ruxsar Päkcan Angliyä häm Argentinağa kitä

Törkiyäneñ säwdä ministrı Ruxsar Päkcan 11nçe sentyabr’dä Angliyägä, 14endä isä Argentinağa kitäçäk.  

Londonda ul Angliyäneñ Awrupa Berlegennän çığu qararınnan soñ oyıştırıluçı täwge Törkiyä-Angliyä iqtisadi häm säwdä xezmättäşlege komitetı (JETCO) utırışında qatnaşaçaq. Anda säwdä häm investiśiyä mönäsäbätläre, bazarğa kerü mömkinlekläre, finans xezmätläre şikelle bik küp mäs’älä telgä alınaçaq. Monnan tış, viza häm turizm temaları, ênergetika tarmağında xezmättäşlek mömkinlekläre qaralaçaq. Fän häm innovaśiyädä urtaq êşçänlekkä bäyä bireler dip kötelä.

Älege utırış qısalarında Awrupa Berlegennän çıqqannan soñ Angliyä belän yaña irekle säwdä kileşüe nigezendäge mönäsäbätlärneñ centekle räweştä qaraluı kötelä.  

Säfäre qısalarında ministr Angliyäneñ ictimağıy xäräkät liderları belän oçraşaçaq. Monnan tış, Ruxsar Päkcannıñ ildäge xatın-qız êşmäkärlär belän äñgämä oyıştıruı kötelä. Ul, şulay uq, Londonda Törkiyä säwdä üzägen açaçaq.

Angliyädäge oçraşularınnan soñ Ruxsar Päkcan G20 säwdä häm investiśiyä ministrları cıyılışında qatnaşu öçen Argentinağa yünäläçäk.  



Bäyläneşle xäbärlär