Törkiyäneñ berençe milli boralağı oçtı
Milli çığanaqlar belän qamilläşterelgän “T625 ğomum maqsat” berençe boralaq täwge oçışın yasadı
Törkiyä Saqlanu ministrı İsmail Dämir tulısınça milli çığanaqlar belän qamilläşterelgän berençe boralaqnıñ täwge oçışınıñ xäyerle buluın teläde.
“T625” boralağı awır klimat häm geografik şartlarda, yuğarı biyeklektä häm cılılıqta, tönlä häm köndez aktiv räweştä wazıyfasın başqara alaçaq.
Boralaq kiñ korpus diapazonına iyä buluı arqasında taşu, VIP, yök, aşığıç yärdäm häm qotqaru, yarnıñ ar’yağına alıp baru wazıyfaların üti alaçaq.
2 keşelek êkipaj häm 12 yulçı sıydırışlı “T625 ğomum maqsat” boralağınıñ massaküläm citeşterelüenä 2021nçe yılda başlanuı küzdä totıla.
Boralaqnıñ Törek qorallı köçläre häm başqa oyışmalarnıñ bu ölkädäge ixtıyaclarınıñ original’ platforma belän qanäğätländerelüe maqsatınnan çığıp Saqlanu sänäğäte idaräseneñ koordinaśiyasında TUSAŞ Törek aviaśiya ğaläm sänäğäte akśionerlıq cämğıyäteneñ êşläp çığaruı qararı 2010nçı yılda qabul itelgän ide.
