• Video galereyası

Angliya hawa yullarına kiber höcüm

Britiş Airweys şirkäte üzeneñ sistemalarına xakerlar kerüen häm meñnärçä yulçınıñ kredit kartaları mäğ’lümatları urlanuın belderde

Angliya hawa yullarına kiber höcüm

Bötendön’ya çeltärendäge piratlar bu yulı Angliya hawa yullarına höcüm itte. Britiş Airweys şirkäte üzeneñ sistemalarına xakerlar kerüen häm meñnärçä yulçınıñ kredit kartaları mäğ’lümatları urlanuın belderde. Bu - 21nçe avgust belän 5nçe sentyabr’ arasında internet aşa bilet aluçılar. Belgeçlär xäzerge waqıtta sistemadağı iminlek xilaflığın tözätülären söyli. Yulçılarnıñ säyäxätläre belän bäyle detal’lär häm passport mäğ’lümatları qaraqlarnıñ qulına êläkmägän.

Şirkät waqıyğada qorban bulğan yulçılar belän êlemtägä kergän. Başqa şöbhälänüçelär qalğan oçraqta üzläreneñ bankları belän söyläşüläre kiräklegen äytälär.   

Bu waqıyğa turında iminlek oyışmalarına xäbär itelgän.

Süz uñayınnan, Britiş Airweysnıñ uzğan yıl da kömpyuter sisteması cimerelgän ide. Ul waqıtta 75 meñ yulçınıñ säyäxät plannarında qıyınlıqlar tudı.   



Bäyläneşle xäbärlär