16 däwlät AQŞqa qarşı berläşä

Aziya-Tın okean frontında “AQŞsız” dip atalğan berläşü barlıqqa kilde

16 däwlät AQŞqa qarşı berläşä

Amerika Quşma Ştatları belän zur säwdä urtaqlıqları arasındağı kiyerenkelek dön’yanıñ iñ böyek säwdä blogın oyıştıraçaq kileşügä yul açtı. Aziya-Tın okean frontında “AQŞsız” dip atalğan berläşü barlıqqa kilde.

İlbaşı Donal’d Tramp idaräse Qıtay tovarlarına 200 milliard dollarlıq yaña tamğaxanä salımı kertergä uylağan arada Aziya - Tın okean ölkäsendä urın aluçı 16 däwlät xäräkätkä küçte. Alar gigant kileşüne tormışqa aşıraçaq könnärne sanıy. Bolar - Qıtay, Yaponiya, Kön’yaq Koreya, Hindstan, Avstraliya, Yaña Zelandiy, Bruney, İndoneziya, Filippinnar, Kambodja, Laos, Malayziya, M’yanma, Singapur, Tailand häm V’yetnam.

İq’tisadi urtaqlıq kileşüe tözelep betkännän soñ dön’yaküläm säwdä äyläneşeneñ yaqınça öçtän beren qulında totaçaq. Berlek bäxäsle mäs’älälärne çişü öçen barlıq köçen quyaçaq.

Kileşü Qıtau belän säwdä xisapların iğ’tibar üzägenä ala häm Trans - Tın okean xezmättäşlege dip ataluçı başqa ber xalıqara säwdä urtaqlığınnan 2017nçe yılda çıqqan AQŞnı üz êçenä kertmi.  Aq Yorttan xäbär itülärençä, Donal’d Tramp noyabr’ ayında Singapurda uzaçaq liderlarnıñ sammitına kilmäyäçäk.

Şul uq waqıtta, Tramp Kanadanı yañadan tuplanğan Nafta kileşüenä kertüneñ kiräk bulmawın citkerä. Ul bu xaqta Twitterdan belderde.  “Distä yıllar buyı däwam itüçe êkspluataśiyädän soñ Amerika öçen ğadel kileşügä barmasaq, Kanada anıñ tışında qalaçaq,”-dip yazdı Tramp.



Bäyläneşle xäbärlär