Amerika ilbaşına kandidat
77 yäş'lek säyäsätçe 2020nçe yılğı saylawlarda qatnaşaçağın belderde
Amerika Quşma Ştatlarınıñ Vermont senatorı Berni Sanders 2020nçe yıldağı ilbaşı saylawlarında kandidat bulacağın belderde. 77 yäş’lek säyäsätçe üzen demokrat sośialist dip atıy. Ul 2016nçı yılğı kampaniyäse belän demokratlarnıñ säyäsäten yañadan formalaştıruğa êtärde.
Sanders ilbaşına kandidat bulacağın tarafdarlarına êlektron poçta aşa xäbär itte. Anda ul “Kampaniyäbez barı tik Donal’d Trampnı ciñü belän bäyle tügel. İlebezne üzgärtü, iq’tisadi, sośial’, rasalararası häm êkologik ğadellekkä tayanuçı idarä barlıqqa kiterü belän bäyle”- dip yazdı.
Amerika senatorı matbuğat çaralarında da belderü yasadı. Ul anda Aq Yortqa kitü telägeneñ 2016nçı yılnıñ däwamı sıyfatında buluın häm yaqlağan säyäsäteneñ bügen Demokratlar partiyäse tarafınnan qolaçlanuın äytte.
Berni Sanders AQŞta bügenge säyäsi tärtipne tänqıyt’läw belän tanıldı. Ul 2016nçı yılda demokratlarnıñ ilbaşı öçen çığarılaçaq kandidatları arasında Xillari Klintonnıñ köndäşe ide.
Sanders üzeneñ ber çığışında: “Dön’yadağı här däwlättä milliarder sıynıfqa telägän här närsäläreneñ bulmayacağın äytüçe liderğa ixtıyac bar,”-dide.
Bäyläneşle xäbärlär
"İzrailneñ Ğazzägä yärdämnärne totqarlawı - suğış cinayäte"
Bu xaqta BMOnıñ Keşe xoquqları yuğarı komissarı Volker Türk belderde
Amerika BMO xisabın oşatmadı
AQŞ İzrailneñ genośid başqaruın açıqlawçı xisapnıñ antisemit xarakterda buluın alğa sörde