“Taliban tınıçlıq xaqında söyläşergä teläsä söyläşerbez, suğışırğa teläsä suğışırbız”

Bu xaqta AQŞnıñ Äfganstan maxsus wäkile Zalmay Halilzad beldergän

“Taliban tınıçlıq xaqında söyläşergä teläsä söyläşerbez, suğışırğa teläsä suğışırbız”


 

Amerika Quşma Ştatlarınıñ Äfganstan maxsus wäkile Zalmay Halilzad Äfganstan başqalası Qabuldağı AQŞ tulı wäqalätle ilçelegendä ütkärelgän matbuğat oçraşuında tınıçlıq söyläşülärenä kereşü öçen Talibanğa basım yasaw kiräklegen beldergän.

Zalmay Halilzad:”Taliban ägär tınıçlıq xaqında söyläşergä teläsä söyläşerbez, suğışırğa teli ikän suğışırbız”,-digän.

Töbäk illäreneñ tınıçlıq söyläşülärenä yaqlaw kürsätüen beldergän Halizad ,bu mäs’älädä iñ qısqa waqıtta alğarış bulaçağına ömetlänülären citkergän.

Halilzad:”AQŞ Äfganstan belän ozın möddätle häm kiñ qırlı mönäsäbätlär teli. Bu xärbi, diplomatik häm iq’tisadi mönäsäbätlärne üz êçenä ala”,-digän.

Äfganstan däwlät başlığı Äşräf Gani citäkçelegendäge xökümät öçen yanaw täşkil itkän Taliban oyışması haman da ilneñ şaqtıy töbägendä xakimiyäten däwam itterä.

Xökümätneñ uzğan yıllarda küp tapqırlar Taliban belän tınıçlıq söyläşüläre başlatu öçen tırışlıq kürsätüe häm bu qısada Tınıçlıq şurası ofisı qoruına qaramastan älegä haman da näticäse bulmadı.



Bäyläneşle xäbärlär