Sudanda öylären taşlap kitüçelär

Sudannıñ kön’yağında xökümät köçläre belän fetnäçelär arasındağı bäreleşlär säbäple 2018nçe yılda öylären taşlap kitüçelär sanı 24 meñgä citte. BMOnıñ älege ildäge gumanitar yärdäm koordinaśiyä ofisı çığarğan xisapta bu kürsätkeçneñ 2017nçe yılda 10 meñ, 2016nçı yılda isä 152 meñ buluı belderelde.  

İl külämendä yaqınça 5 million 500 meñ keşeneñ gumanitar yärdämgä moxtac buluın, alarnıñ 1 million 200 meñeneñ migrantlardan toruın xäbär itälär.  

Darfur töbägendä 2003nçe yıldan birle xökümät köçläre belän fetnäçelär arasında bäreleşlär bula. BMO mäğ’lümatlarına qarağanda, anda yaqınça 300 meñ keşeneñ ğomere özelgän, 2 million yarım watandaş isä yäşägän cirennän kitergä mäcbür bulğan.

Kön’yaq Sudan çigendäge töbäklärdä dä 2011nçe yılda xökümät häm fetnäçelär arasında bäreleşlär bula. Anda yaqınça 1 million 200 meñ keşeneñ zarar kürüen belderälär.