Nobel' büläge iyäse İzrailne tänqıyt'li

Nobel’ ximiyä bülägenä layıq bulğan professor Djordj P.Smit İzrailne xalıqara qağıydälärne sanğa suqmawda ğayepläde

Nobel' büläge iyäse İzrailne tänqıyt'li

2018nçe yılnıñ Nobel’ ximiyä bülägenä layıq bulğan professor Djordj P.Smit İzrailneñ xalıqara qağıydälärne sanğa suqmıyça Fälästin cirlären basıp alunı däwam itüen belderde. Ğalim Amerikadağı Missuri universitetında êşli. Ul Stokgol’mda ber törkem fän êşlekläre qorğan Fälästinlelär cämğıyäteneñ çaqıruı buyınça konferenśiyädä qatnaştı.  Anda Smit, çığış yasap, töbäktä ike däwlätle çişeleşkä teläktäşlek kürsätü kiräklegen assızıqladı. “Fälästin häm İzrail’ xalıqları ber ük xaqlarğa iyä bulıp ike däwlät räweşendä ul cirlärdä berdäy yäşärgä tiyeş. Ämma İzrailneñ qağıydä tanımıy torğan mönäsäbäte moña röxsät birmi. Fälästinlelär basıp alınğan cirlärenä kire qaytırğa häm barlıq xoquqların kire alırğa tiyeş,”-dip söyläde ul.

Smit İzrailneñ Ğazzädäge ğamälläreneñ qabul itelmäs buluın assızıqlıy.  “İzrail barı tik fälästinlelärgä basım yasamıy. İzrailneñ yalğış säyäsätenä rizasızlıq kürsätüçe yähüdlärgä dä basım bar. İzrailgä bu cäber-zolımnan baş tartırğa waqıt,”-di Nobel’ büläge iyäse.

Smitnıñ älege isemne aluına İzrail’dä rizasızlıq kürsättelär. Anda köndälek matbuğatta Nobel’ ximiyä bülägen İzrail’gä qarşı, Fälästin teläktäşe ğalim aluı turında yazdılar



Bäyläneşle xäbärlär