Disneylênd çir tarata

Anda baruçılar üpkä infekśiyäse yoqtırğan

Disneylênd çir tarata

Amerika Quşma Ştatlarındağı dön’yağa tanılğan künel açu üzäge Disneylêndnı xastalıq taratuda ğayepläp däğ’wa açıldı. Älege parknı salqınça totu öçen qullanıluçı sistemanıñ üpkä infekśiyäse bularaq bilgele legioner xastalığına kiterüe farazlana.

Älege mäs’äläne park urnaşqan Kaliforniya ştatındağı ber sırxawxanädä êşläwçe tabib kütärde. Ul legioner xastalığın yöqtırğan 22 keşeneñ ber ük könnärdä Disneylêndta buluın açıqlağan. Park idaräse ğayepläwlärne kire qaqtı. İnfekśiyäne iyärtkän 3 keşeneñ küñel açu parkı urnaşqan Anaxaym şähärenä kitüe, ämma parkka kermäwen belderälär. Xastalıqnıñ çığanağı raslanmawına iğ’tibarnı cälep itälär.

Kaliforniya êş iminlege häm sälamätlege idaräse älege farazlarnı tikşerüen xäbär itte.



Bäyläneşle xäbärlär