Soğud Ğaräbstanı Qaşıqçı cinayäte turında belderü yasadı

Jurnalistnıñ üterelüe belän bäyle qayber närsälär açıqlandı

Soğud Ğaräbstanı Qaşıqçı cinayäte turında belderü yasadı

Soğud Ğaräbstanı xökümäte Cämal Qaşıqçınıñ gäwdäsen, üterelgännän soñ, konsullıqtan turaqlap alıp çığuların tanıdı.  Älege däwlätneñ prokuraturası cinayät’ turında qayber açıqlawlar yasadı. Alar 2nçe oktyabr’dä Qaşıqçınıñ ülem säbäbeneñ tartışu häm zur külämdä mediśina preparatı birü buluın alğa sörde. Soñınnan gäwdäne öleşlärgä bülep alıp çıqqannar.  

Prokuror üterü boyırığınıñ konsullıqta birelüen, cäsädne tabarğa tırışuların äytte. Anıñ söyläwençä, Cämal Qaşıqçını Soğud Ğaräbstanına qaytarırğa telägännär, ämma künderä almağannar. Şunnan soñ, üterü yulına barğannar. Soğud Ğaräbstanı prokurorı waqıyğada qatnaşqan 11 şöbhäleneñ 5se öçen ülem cäzası soradı.

Prokuraturadan yasalğan belderüdä üterü ämeren oçraşu öçen İstanbulğa kilgän törkemneñ citäkçese birüe äytelä. Şulardan berse konsullıqtağı kameralarnı bozğan.

Süz uñayınnan, täxet peinśı Möxämmät bin Sälmannıñ kiñäşçese Soğud äl-Kaxtaninı tikşerü êşe başlandı. Aña ildän çığu tıyıldı.



Bäyläneşle xäbärlär