Äsäd millionnarça migrantnıñ mölkäten tartıp almaqçı

Rejim yañadan terkäw êşlären başqarıp cirennän küçerelgän keşelärneñ küçemsez milegen xucasız dip bäyälärgä omtıla

Äsäd millionnarça migrantnıñ mölkäten tartıp almaqçı

Süriyädä Bäşşar Äsäd rejimı suğış arqasında öylärennän kitärgä mäcbür bulğan millionnarça migrantnıñ mölkäten qulğa töşerergä mataşudan tuqtamıy. Yäşägän urınınnan küçengän häm ilgä kerä almağan keşelärneñ cirlären, yortların häm başqa küçemsez milegen tartıp alunı täêmin itüçe qarar aprel’ ayında çığarılğan ide. Xäzer şunıñ belän bäyle kürsätkeç qağıydälär çığarıla.

Bäşşar Äsäd qanunında äytelgänçä, rejim kontrolendäge töbäklärdä küçemsez milek xucaları 30 köndä deklaraśiyä öçen dokumentların kiräkle dairälärgä iltergä tiyeş. Bu normativnı dön’yaküläm cämäğat’çelek tänqıyt’ itte. Rejim bu basımnan qotılu häm qanunnan da waz kiçmäs öçen küz buyaw êşenä. Qayber üzgäreşlär kertkän buldılar. Bäşşar Äsäd monı küzallawçı qararın yäkşämbe könne imzaladı. Tözätü näticäsendä küçemsez milek xucalarınıñ möräcäğat’ itü waqıtı 30 könnän 1 yılğa qasär ozaytıldı.

Rejim yañadan terkäw êşlären başqarıp cirennän küçerelgän keşelärneñ küçemsez milegen xucasız dip bäyälärgä omtıla. Şulay itep, yaña idarä qorılışı alarnı üz qulına tartıp alaçaq.



Bäyläneşle xäbärlär