"Törkiyӓ - regional’ köç"

Bu turıda Rusiyӓneñ Kreml’ süzçese Dmitriy Peskov belderde

"Törkiyӓ - regional’ köç"

Rusiyӓneñ Kreml’ süzçese Dmitriy Peskov Rusiyӓ hӓm Törkiyӓ arasındağı mönӓsӓbӓtlӓrgӓ bӓyӓ birde.

Peskov Rusiyӓ televideniyeseneñ “Pervıy” kanalına birgӓn interv’yuda Törkiyӓneñ regional’ köç buluın assızıqlap: “Ayıruça da Süriyӓ krizisınıñ çişeleşenӓ taba baruçı yulda Törkiyӓ bezneñ öçen möhim partnyer. Rusiyӓ, Törkiyӓ hӓm İran arasında barlıqqa kiterelgӓn formatta da aktivlığın isbatladı hӓm bu formatta êşçӓnlegen dӓwam itterӓçӓk,” – dide.

Süzçe Törkiyӓneñ Rusiyӓ öçen genӓ tügel, ӓ Amerika Quşma Ştatları öçen dӓ bik möhim il buluın assızıqlap: “Törkiyӓ ilbaşı Räcäp Tayyip Ärdoğan citӓkçelegendӓ bӓysezlegn saqlap qalğan dӓwlӓtlӓr arasına kerde. Şunıñ öçen AQŞ Törkiyӓ belӓn dӓwamlı êlemtӓ qorırğa tırışa,” – dide.

Sӓyӓsӓt, sӓwdӓ hӓm iqtisad kebek xalıqara mӓs’ӓlӓlӓrdӓ Törkiyӓneñ bӓysezlegen saqlawın kürsӓtüçe şaqtıy adım yasawın ӓytkӓn Peskov tübӓndӓgeçӓ citkerde: “Bu bӓylӓneştӓ ilbaşı Ӓrdoğan belӓn Rusiyӓ dӓwlӓt başlığı Vladimir Putin ber yulda.”



Bäyläneşle xäbärlär