9 keşeneñ berse aç, här sigezençe keşe simezlektän tilmerä

“150 millionnan artıq bala citärsez tuqlanğan waqıtta simezlek däräcäse dä barlıq illärdä arta”

9 keşeneñ berse aç, här sigezençe keşe simezlektän tilmerä

“150 millionnan artıq bala citärsez tuqlanğan waqıtta simezlek däräcäse dä barlıq illärdä arta”. Bu çağıştırunı BMOnıñ dön’ya azıq-tölek programması Törkiyä ofisı êlemtä bülege başlığı Martin Penner yasadı.  Ul global’ açlıqnıñ artuın belderä. “BMOnıñ sentyabr’ ayında bastırğan mäğ’lümatlarına qarağanda, uzğan yıl dön’ya külämendä aç keşelärneñ sanı artıp 821 millionğa citte. 9 keşeneñ berse - aç,”-dip söyli Martin Penner.  

Belgeç bala üseşeneñ artta qaluınnan başlap olılarnıñ simezlegenä qadär 100 millionnarça keşeneñ sälamätlege qurqınıç astında buyluın söyläde.

Açlıq sonğı 3 yılda artqan häm 10 yıl êlek bulğan xälenä kire qaytqan.
“Kön’yaq Amerikada häm Afrikanıñ bik küp töbägendä wäzğıyat’ tağın da naçarayğan. BMOnıñ “Dön’yada azıq-tölek iminlege häm tuqlanu torışı” xisabında açlıqnıñ artuına kiterüçe säbäplär bularaq klimat üzgäreşläreneñ yawım-töşem modelläre häm awıl xucalığı êşlärenä yoğıntı yasawı, qorılıq häm su basularnıñ bäreleşlär häm iq’tisadıy torğınlıq kiterep çığaruı atala.     
Aziyada 515 million, Afrikada 256,5 million, Latin Amerikası häm Kariblarda 39 million keşe açlıq kiçerä.

Simezlektän tilmerüçelärneñ sanı dön’yada 672 million. Yäğ’ni här 8 olı keşeneñ berse - simez bulıp çığa.   

Üseşe artta qalğan 5 yäş’tän keçkenä balalarnıñ sanı 150 millionnan artıp kitte. Şul uq waqıtta alarnıñ 38 million yäş’täşe kirägennän artıq simez.
 



Bäyläneşle xäbärlär