Mӓkkӓ - Mӓdinӓ arasında tiz yöreşle poyezd
İke şähär arasında berençe sӓfӓr yasaldı
Soğud Ğarӓbstanınıň Mӓkkӓ hӓm Mӓdinӓ şӓhӓrlӓre arasında Harameyn tiz yöreşle poyezd berençe sӓfӓren yasadı.
Soğud Ğarӓbstanınıň SPA xӓbӓr agentlığı beldergӓnçӓ Yaqın Könçığışnıň iň zur transport proyektlarınnan sanaluçı Harameyn tiz yöreşle poyezdnıň Mӓdinӓ-Mӓkkӓ arasında sӓfӓrlӓre başladı.
Harameyn tiz yöreşle poyezd proyektı mödire Saad ӓş-Şӓhri ike yaqlı berençe sӓfӓrlӓrneň 417 yulçı belӓn ber ük waqıtta çınğa aşırıluın belderde.
Proyektnıň açılışı 25 sentӓbr’ könne Soğud Ğarӓbstanı patşası Sӓlman bin Abdulaziz tarafınnan yasalğan ide.
Mӓkkӓ-Mӓdinӓ arasında 2 milliard dollarlık tiz yöreşle poyezd liniyaseneň yılda 60 million yulçığa xezmӓt kürsӓtüe küzdӓ totıla.
Ӓlege poyezd sӓğatenӓ 300 çaqrım tizlek belӓn bara hӓm sӓfӓre 1 sӓğat 20 minut dӓwam itӓ.
Soğud Ğarӓbstanına uzğan yılnı 2 million 400 meň tirӓse keşe xac ğibadӓten ütӓrgӓ, 7 million tirӓse keşe dӓ ömrӓgӓ kilgӓnnӓr ide.
