Üzbäkstan ilbaşı Franŝiyada

Säfärdä 10 kileşü belӓn 5 milliard yevrolık investiŝiya kileşüe imzalandı

Üzbäkstan ilbaşı Franŝiyada

Üzbӓkstan dӓwlӓt başlığı Şӓwkӓt Mirziyoyev Franŝiyağa yasağan sӓfӓre qısalarında ike il arasında 10 kileşü belӓn 5 milliard yevrolık investiŝiya kileşüe imzalandı.

İlbaşı idarӓseneň matbuğat ofisınnan yasalğan açıqlawğa kürӓ Mirziyoyev wazifağa kilgӓnnӓn soň Awrupağa çınğa aşırğan berençe sӓfӓre qısalarında Franŝiyadӓ söylӓşülӓrdӓ qatnaştı.

Mirziyoyev Franŝiya dӓwlӓt başlığı Êmmanuêl’ Makron hӓm franŝuz êş dönyası wӓkillӓre belӓn küreşte.

Söylӓşüdӓ Mirziyoyev belӓn Makron ike il arasındağı xezmӓttӓşlek, Ӓfğanstandağı wazğiyӓt’ hӓm regional’ mӓs’ӓlӓlӓrne dӓ qaradı.

Söylӓşülӓrdӓn soň ike il arasında transport, turizm, xӓrbi, texnik yӓrdӓm, tınıçlıq yaqlı maqsatlar belӓn ğalӓm tikşerenülӓre, investiŝiya, mӓdӓniyӓt hӓm qalğan ölkӓlӓrdӓge xezmӓttӓşlekne küzdӓ totuçı 10 kileşü imzalandı.

İke il tışqı êşlӓr ministrlıkları arasında 2019-2020 yıllarğa qarağan xezmӓttӓşlek programması belӓn tirӓ-yaq moxitnı saqlaw hӓm mӓdӓniyӓt ministrlıkları arasında xezmӓttӓşlek protokollarına da qul quyıldı.

Mirizyoyevnın sӓfӓrennӓn alda oyıştırılğan êş forumında Üzbӓkstan hӓm Franŝiya şirkӓtlӓre arasında 5 milliard yevrolık êş hӓm investiŝiya proyektları belӓn bӓyle kileşülӓr dӓ imzalandı.

Sӓfӓr qısalarında Franŝiyadӓge êşmӓkӓrlӓr belӓn oçraşqan Mirziyoyev franŝuz şirkӓtlӓren ilendӓ investiŝiya kertergӓ çaqırdı.



Bäyläneşle xäbärlär