Maykl ğarasatı AQŞnıñ êçenä ürmäli

Soñğı 100 yılnıñ iñ köçlese dip sanalğan Maykl ğarasatınıñ tizlege säğatenä 250 kilometrğa citte

Maykl ğarasatı AQŞnıñ êçenä ürmäli

Amerika Quşma Ştatlarınıñ Florida ştatın täêsire astına alğan häm soñğı 100 yılnıñ iñ köçlese dip sanalğan Maykl ğarasatınıñ tizlege säğatenä 250 kilometrğa citte. Aña dürtençe kategoriyä birälär. Ğarasat yar buyınnan êçkä taba ürmäli.   

Köçle cil tarafınnan qubarıp atılğan ağaç ber keşeneñ ülemenä säbäp buldı. Öylärneñ häm êş cirläreneñ tübäläre oçtı. Qoyıp yawğan yañğır su basularğa kiterde. Floridada yaqınça 290 meñ keşe êlektr ênergiyäsez qaldı.

Ğarasat Djordjiya häm Alabamağa barıp citte. Şul säbäple bu ike ştatta ğadättän tış xäl iğ’lan itelde.   

Mayklnıñ 1992nçe yıldağı Êndryudan soñ AQŞqa cirdän bärgän iñ köçle ğarasat buluı äytelä. Ul Floridağa kilep citkänçe Üzäk Amerikadağı däwlätlärdä tuplam 13 keşeneñ ğomeren özde.  



Bäyläneşle xäbärlär