Mayorkada cimergeç qaza

İspaniyäneñ Mayorka utrawında ğadättän tışlı köçle yawım ülemnärgä kiterde

Mayorkada cimergeç qaza

İspaniyäneñ Mayorka utrawında köçle yawımnardan soñ barlıqqa kilgän taşqın häm su basuda 8 keşeneñ ğomere özelde. Yuğaluçılarnı êzläw däwam itä. Räsmi zatlar belderüençä, ülüçelärneñ 7seneñ şäxese açıqlanğan. 2 keşeneñ Angliyä watandaşı buluın äytälär.

Tönge säğat’lärdä bulğan taşqın maşinalarnı söyräp alıp kitte, mäydannar häm qayber öylärneñ asqı qatları su astında qaldı. İrtänge yaqta yul häm küper qırıylarınıñ maşina belän tuluı kürende. Taşqın alarnı ber-berse östenä öyep quyğan. Êzläw êşlärendä 300 qotqaruçı qatnaştı. Monnan tış, töbäkkä yärdäm öçen 80 xärbi kiterelde.

Yaqınça 200 keşe êvakuaśiyälände. Alarnı sport ob’yektları häm ippodromğa urnaştırdılar.  

Xökümät waqıyğanı cimergeç dip bäyäläde. Prem’yer-ministr Pedro Sançesnıñ qaza bulğan töbäkkä kitäçäge belderelde. Parlamentta ber minut tınlıq iğ’lan ittelär.



Bäyläneşle xäbärlär